د خېبرپښتونخوا پولیسو ويلي د شپې په مهال د صوبې په جنوبي ضلعو ټانک او ډېره اسماعيل خان کې د پوليسو په چيک پوسته او چوکۍ ترهګر بريدونه شوي دي.
د خېبرپښتونخوا پوليسو ويلي، وروستی بريد سهار په درې بجې د درابڼ تاڼې په چوکۍ شوی دی.
ويل شوي پولیسو د ترهګرو د بريد په ځواب کې ډزې او خپله دفاع کړې او نزدې د پوځ څخه یې مرسته هم غوښتې ده.
په پېښه کې د مرګ ژوبلو اوښتو څه نه دي ويل شوي.
ڈیرہ اسماعیل خان : تھانہ درابن چوکی پر دہشتگردوں کاحملہپولیس جوانوں نے بھرپور فائرنگ سے دفاع کیا۔ قریبی واقع آرمی کی یونٹ 24FF بھی مدد کیلئے پہنچ گئی آئی جی پی خیبر پختونخوا کا ڈی پی او سے رابطہ، تفصیلات معلوم کیں اور نزدیکی اضلاع سے مدد بھیجنے کی ہدایت کی۔ pic.twitter.com/BnPW2Qugvy
— KP Police (@KP_Police1) February 5, 2023
له دې وړاندې د ډېره اسماعيل خان سره په پوله پرتې ټانک ضلع کې هم د پولیسو په پوسته د ترهګر برید ویل شوي وو.
پوليسو ويلي، د ټانک د جنډولې تاڼې په پيرتنګي پولیس پوسته ترهګرو بريد کړی خو پوليسو یې مقابله کړې او تر لسو دقيقو ډزې روانې وې.
ويل شوي په بريد کې کوم ځاني او مالي تاوان نه دی شوی او بريد په شا تمبول شوی دی.
ٹانک پولیس کی دہشت گردوں کے خلاف بھرپور کاروائیپولیس پوسٹ پیر تنگی پر دہشت گردوں کے حملے کو پولیس نے فوری ریسپانس کرتے ہوئے پسپا کردیا۔ آئی جی پی خیبرپختونخوا معظم جاہ انصاری کی ڈی آئی جی ڈیرہ اسماعیل خان کو علاقے میں سرچ آپریشن کی ہدایت pic.twitter.com/BdeejLTnl9
— KP Police (@KP_Police1) February 5, 2023
د خېبرپښتونخوا پوليس په ټويټر ويل شوي چې د صوبې د پوليسو مشر معظم جاه انصاري د دواړو پېښو په اړوند د پوليس ضلعي مشرانو سره خبرې کړي او په سيمه کې د ترهګرو ضد پلټنيزو عملياتو لارښوونه یې ورته کړې ده.
د يادو بريدونو زمه واري د دې خبر خپرېدو پورې چا نه ده منلې. خو له دې وړاندې په دغو سيمو کې د زیاترو بريدونو زمه وارۍ تحریک طالبان پاکستان منلي دي.
په 30 جنورۍ پېښور کې په پوليس لاين کې دننه په جومات کې ځانمرګی بريد شوی 101 کسان پکې وژل شوي او د 200 زيات پکې ژوبل شوي وو په وژل شوو کې زياتره پوليس وو.
د پاکستان د کورنيو چارو وزير رانا ثناالله ویلي وو، د تحریک طالبان پاکستان خراساني ډلې د دغه بريد زمه واري منلې وه.
په درېمه فرورۍ د وزيراعظم شهباز شریف په مشرۍ پېښور کې د اېپکس کمېټۍ غونډه شوې او پرېکړه شوې چې د پاکستانيانو وينه تويوونکي ترهګر به د عبرت نخښه وګرځول شي.
ويل شوي وود اېپکس کمېټۍ په غونډه کې سېول او پوځي مشرتابه عزم څرګند کړو چې د پاکستان د خلکو ساتنه به په هر قيمت يقيني کولی شي. چا چې په بې ګناه خلکو بريد کړی د قانون منګولو ته به راوستل کيږي. د ترهګرۍ پرضد لاسته راوړنې به بيرته په ناکامۍ بدلې نه شي.
وزيراعظم سبا د نهې/سه شنبې په ورځ په اوومه فرورۍ د مهمو چېلنجونو په موضوع ټول ګونديز کانفرنس بللی دی.