په پاکستان کې د بشري حقونو وتلی فعال اؤ قانون پوهه جبران ناصر چې یوه ورځ مخکې په کراچۍ کې ګڼ شمېر کسانو تښتولی و د جمعې په شپه کور ته ستن شوی دی.
د وي او ای اردو څانګې د رپورټ ترمخه، پولیس ویلي یوه ډله بې د ناصر سره د هغه د تښتول کېدو په اړه ملاقات کوي.
د جبران ناصر مېرمن منشا په سوشل میډیا یو بیان کې ویلي د زیارت، پنجشنبې، په شپه موټر کې کور ته روان وو چې په دوو ویګو ګاډو کې قریباً 15 کسان په جبران ناصر پسې راغلي وؤ چې تمانچې ورسره په لاسونو کې وې "هغوی زمونږ د ګاډي مخه ونیوله اؤ جبران ناصر یې دځان سره بوتلو".
د بشري حقونو تنظیمونو، سیاسي اؤ مدني فعالانو اؤ مشرانو د جبران ناصر د تښتول کیدو په اطلاعاتو ژورې اندېښنې ښودلي اؤ دهغه د سمدستي خوشې کولو غوښتنه یې کړې ده.
د بشري حقونو فعال اؤ قانون پوهه جبران ناصر زیاتره وخت پخپلو ویناګانو اؤ ټولنیزو رسنیو کې پاکستان د پوځ اؤ استخباراتي شبکو په تګلارو کلکې نیوکي کوي اؤ هم په جبر د لادرکه کسانو لپاره وخت په وخت غږ پورته کوي.
HRCP is deeply concerned by reports that lawyer and activist @MJibranNasir has been abducted by unknown armed persons in Karachi. We demand that he be safely recovered immediately and his abductors held accountable under the law.
— Human Rights Commission of Pakistan (@HRCP87) June 1, 2023
د پاکستان د بشري حقونو کمیشن پخپل یو بیان کې د جبران ناصر د تښتول کیدو په اطلاع سخته اندېښنه وښودله.
د بشري حقونو کمیشن پخپل بیان کې غوښتنه کړې ده چې د جبران ناصر تښتوونکي دې د قانون له مخې محاکمه شي.
په ټولنیزو رسنیو ګڼ شمیر سیاسي مشرانو ، د بشري حقونو فعالانو اؤ دمدني ټولنې غړو دجبران ناصر د تښتول وغندل.
جبران ناصر نے ہمیشہ قانون اور انصاف کی بات کی۔ جبران ناصر کو فوری رہا کیا جائے۔ جبران ناصر کی فیملی اس وقت شدید قرب اور تکلیف میں ہے۔ ریاست کی زمہ داری ہے کہ انہیں محفوظ رکھا جائے۔ ان کے اغواہ کی شدید مزمت کرتا ہوں۔
— Dr. Shahbaz GiLL (@SHABAZGIL) June 1, 2023
د پاکستان تحریک انصاف ګوند یو مهم مشر شهباز ګل په ټویټر لیکلي جبران ناصر مدام دقانون اؤ انصاف خبره کړې ده ،دهغه کورنۍ دا وخت سخته په درد اؤ تکلیف کې ده، د ریاست ذمه واري ده چې هغه خوندي وساتي .
شهباز ګل دهغه دتښتول کیدو عمل په کلکه غندنه کړې ده اؤ غوښتنه یې کړې ده چې جبران ناصر باید په سمدستي توګه خوشې کړل شي
ریاستی اداروں کا جبران ناصر کو غیرقانونی طور پر اُٹھا کر لاپتہ کرنا انتہائی افسوسناک ہے۔نارتھ وزیرستان میں بھی دھشتگردی مخالف PTM کے عہدیداروں کو فوج اٹھا کر لے گئے ہیں۔سیاسی و سماجی کارکُنوں کی اغوائیگی، تشدد اور انکو دھشت زدہ کرنا اب پاکستان میں ایک نارمل معمول بن گیا ہے۔
— Manzoor Pashteen (@ManzoorPashteen) June 2, 2023
د پښتون ژغورنې غورځنګ مشر منظور پښتین د جبران ناصر دتښتونې تور په ریاستي ادارو پورې کړو او ویې وېل په ناقانونه توګه دجبران ناصر پورته کول اؤ لاپته کول دافسوس وړ دي.
په ټویټر ښاغلي پښتین تور لګولی چې په شمالي وزیرستان کې هم دپي ټي ایم مشران پوځ پورته کړي دي. په تېرو وختونو کې پوځي مامورینو د خکلو په بې درکه کېدو کې د ککړتیا خبره رد کړې ده.
پشتین لیکلي دسیاسي اؤ ټولنیزو فعالانو تښتول، په هغوئ تشدد کول اؤ ویرول اوس پاکستان کې ورځنی معمول جوړ شوی دی.
د سند د وزیراعلا مشیر مرتضا وهاب د جبران ناصر د بازیابۍ او کور ته د ستنېدو هرکلی کړی دی. هغه وویل پولیس چارواکو به د ناصر سره خبرې کوي او د هغه د تښتول کېدو په اړه به ترې تفصیل اخلي.
وهاب د وي او ای اردو څانګې سره خبرې کولې او ویې وېل چې دا لا نه شي وېلی چې جبران ناصر څنګه بازیاب شو. صوبايي مشیر په دې اړه هم څه و نه وېل چې جبران ناصر چا تښتولی و.
په دې وروستیو کې دپاکستان دننه دپوځ په تګلارو د تنقید کوونکو خبریالانو،سیاسي اؤ مدني فعالانو د تښتولو اؤ ځورولو لړۍ چټک شوې اؤ یو شمیر خبریالان اؤ مدني فعالان دنامعلومو وسله والو له لوري تښتول شوي هم دي.
دپاکستان یو خبریال ارشد شریف چې دتحریک انصاف ګوند په پلوۍ یې دپوځ په تګلارو نیوکې کولې تېر کال داکتوبر په 24مه په کېنیا کې دپولیسو لخوا په شکمن ډول وژل شوی ؤ .
همدا شان تېره میاشت دپاکستان یو بل خبریال عمران ریاض دپولیسو لخوا نیول شوی ؤ اؤ کله چې له زندان نه خوشې کړی شو نو نامعلومو وسله والو وتښتولو چې تر ننه لادرکه دی.
دسمیع ابراهیم په نوم یو بل خبریال هم تېره میاشت له کوره پورته کړل شوی ؤ خو بیا وروسته یې کورنۍ وویل چې هغه خپل کور ته رارسیدلی خو دا یې ونه ویل چې سیمع ابراهیم چا اؤ ولې تښتولی ؤ؟