د کرکټ د T20 شل اووريزه نړیوال کپ 2024م سيالۍ په امريکا کې پيل شوې، لومړۍ لوبه د امریکا او کېنېډا لوبډلو ترمنځ روانه ده.
د امریکا په ډېلس کې روانې سيالۍ ټاس/ پچه کوربه لوبډلې امریکا ګټلی خو لومړی بېټنګ یې د کېنېډا لوبډلې ته ورکړی دی.
د امریکا د لوبډلې کپتان مونانک پټېل او کېنېډا د لوبډلې کپتان سعد بن ظفر دی.
د ټاس وروسته د نړيوال کپ د پرانستې لنډه شان دستوره شوې، د امریکا او کېنېډا د بېرغونو لاندې د دواړو هيوادونو ترانې ويل شوي دي.
د کېنېډا لوبډلې په خپل لومړي پړاو / اننګز کې د پینځه لوبغاړو په سوځیدو 194 رنزونه جوړ کړل او امریکا ته یې د ګتې لپاره د 195 منډو هدف ورکړی. د کېنېډا لخوا نونیت دهلیوال 61 او نکولس کرټن 51 رنزونه جوړ کړل.
د امریکا لخوا علي خان، هرمیت سنګ او کوری اېنډرسن یو یو لوبغاړی اوټ کړو.
د کرکټ د T20 شل اووريزه نړیوال کپ 2024م سيالۍ په امريکا او ويسټ انديز کې ټاکل شوي دي، شل لوبډلې پکې برخه اخلي چې په پينځه ګروپونو وېشل شوي، او ټولې 55 سيالۍ به پکې کيږي.
د افغانستان لوبډله به خپله لومړۍ سيالي په څلورم جون د يوګنډا سره، او پاکستان به خپله لومړۍ سيالي په شپږم جون د امریکا سره کوي.