پاکستان کې نن د ګل/ دوشنبې په ورځ د برتانیې د ملکه الزبت په مړينه ملي ماتم کيږي ويل شوي ملي بېرغ نيمکښو دی.
د پاکستان د سرکاري ميډیا ترمخه وزیراعظم شهباز شريف د بهرنيو چارو د وزارت په سپارښتنه د ملي ماتم منظوري ورکړې ده.
حکومتي واکمنه ګوند مسلم ليګ ن د ملکه الزبت په مړینه د ماتم د ورځې په اړه ټویټ کړی او حکومتي اعلاميه يې خپره کړې ده.
ملکہ الزبتھ دوم کی وفات پر پاکستان میں یوم سوگ منانے کا فیصلہ وزیراعظم شہباز شریف نے ملکہ برطانیہ کے وفات پر یوم سوگ منانے کی منظوری دے دی 12 ستمبر کو پاکستان میں یوم سوگ کے طور پر منایا جائے گا pic.twitter.com/afXXkV9npX
— PML(N) (@pmln_org) September 11, 2022
په برتانیه کې د پاکستان هايي کمېشن په ټویټر ويلي،
چې د برتانیې د حکومت سره په مړينه د يو والي او خفګان څرګندونه کړې او پاکستان به په دغه لړ کې په 12 ستمبر نن د نهې/ سه شنبې په ورځ به ملي ماتم وي.
خبريال محمد فهیم په ټویټر ويلي، د خېبرپښتونخوا حکومت هم د ماتم د ورځې اعلان کړی دی.
کہاں ہے وہ لوگ جو وفاقی حکومت کے ملکہ برطانیہ کے انتقال پر سوگ کو غلامی کہہ رہے تھے؟ابخیبر پختونخوا حکومت نے بھی کل سوگ کا اعلان کردیا ہے pic.twitter.com/seNi38PO1y
— Muhammad Faheem (@MeFaheem) September 11, 2022
د برتانیې ترټولو زیاتې مودې پورې پاتې شوې ملکه، الزبت د زیارت (پنجشنبې) په ورځ اتم ستمبر د 96 کالو په عمر کې مړه شوې وه، د هغې وروستي مراسم به په 19 ستمبر ادا کولی شي.
د ملکه الزبت په مړينه د نړۍ ګڼ شمېر مشرانو نوموړې ته د عقیدت پېرزونې وړاندې کړي دي.
ملکه الزبت د لندن په مېفېیر سیمه کې په 1926 کې په 21م اپرېل پېدا شوې وه او په 1952م کې یې د خپل پلار جارج-شپږم د مرګ وروسته د برتانیې ملکه جوړه شوې وه. هغې د 70کالو پورې د برتانیې د ملکه په حېث خپلې ذمه وارۍ ترسره کړي.
ملکه الزبت د کال 1952 راهسې د برتانیې او 14 نورو ملکونو ملکه وه او روان کال یې د خپلې څوکۍ 70مه کلیزه لمانځلې وه.
د جون په میاشت کې د پلاټینم جوبلي تقریباتو په موقع د ملکه په اعزاز کې شوي پرېډ او د شاهي هوايي پوځي جهازونو نندارتون کتو لپاره نوموړې د بکېنګم محل په بالکونۍ کي راښکاره شوې وه.
تېر کال د اپرېل په میاشت کې د نوموړې خاوند شهزاده فلپ د خپلې زېږېدنې د سلمې کلیزې څو هفتې وړاندې مړ شوی وو.