د پاکستان تحريک انصاف ګوند يو مشر فواد چودري د اې ار وايي ټي وي په يو پروګرام کې ويلي د مرکزي تحقيقاتي ادارې [اېف ايي اې] پخواني مشر بشيرمېمن په وزیراعظم هاوس کې "د پښتون سره تشناب ته تللی ځان يې د خطرې سره مخ کړی".
په ټولنيزو رسنیو د فواد چودري او د پروګرام د کوربه غندنه کېږي او د اې ار وايي چېنل د بايکاټ #BoycottARYNews ټرېنډ چلیږي.
د عوامي نيشنل ګوند د خېبرپښتونخوا مشر اېمل ولي خان په پښتنو غږ کړی چې د اې ار وايي چېنل نه دې بايکاټ وکړي.
"زه خپل قام ته اپيل کووم چې نن د فوادچوهدري په نوم يو تن د ټول پښتون قام بې عزتي په اې آر وايي نيوز (آف دي رېکارډ پروګرام کې) کړې ده۔ ټول قام دې د دې چېنل تر هغې بايکاټ وکړي تر څو چې يې نېغ په نېغه په ټي وي معافي نه وي غوښتې".
زۀ خپل قام ته اپيل کووم چې نن د فوادچوهدري په نوم يو تن د ټول پښتون قام بې عزتي په اے آر وائي نيوز (آف دي رېکارډ پروګرام کښې) کړې ده۔ ټول قام دې د دې چېنل تر هغې بائيکاټ وکړي تر څو چې ئې نېغ په نېغه په ټي وي معافي نه وي غوښتې#BoycottARYNews pic.twitter.com/GoR48Go7Ed
— Aimal Wali Khan (@AimalWali) October 5, 2022
خبريال عادل شازېب په ټویټر ویلي،
"په ځای د دې چې کاشف عباسي [د اې ار وايي ټي وي کوربه] د دمې اخستو په ځای هغه [فواد چودري] ودرولی وی چې داسې بېخوده سپکې خبرې ولې کوې، د دې نه ډډه وشي، ښايي د فواد د کوم پښتون سره تجربه ښه نه وي پاتې شوي خو د هغې زمه واري خو په ټولو پښتنو نه شي اچول کېدی. په قومي ټي وي په کوم قوميت پسې ملنډې ودرول د اېنکر په توګه دا زمونږ زمه واري جوړيږي".
بجائے بریک کے کاشف صاحب کو روک کر کہنا تھا کہ یہ بے ہودہ سٹیریو ٹائپنگ ہے، اجتناب برتیں۔فواد کا شاید کسی پٹھان سے تجربہ اچھا نہ رہا ہو۔۔اسکی ذمہ داری اب سارے پٹھانوں پر تو نہیں ڈالی جا سکتی۔۔نیشنل TV پر کسی قومیت کے ساتھ ایسے بھونڈے مذاق رکوانا بطور اینکر ہماری ذمہ داری بنتی ہے https://t.co/rHXtA4zU25
— Adil Shahzeb (@adilshahzeb) October 5, 2022
د خېبرپښتونخوا د خزانې وزیر تيمور جګړا نه بيا نوموړي په يو ټويټ کې هيله څرګنده کړې چې د فواد چودري دغه نسل پرته څرګندونې وغندي او جګړا بيا ورته بيا په ځواب کې ویلي، "هغه يې په کلکه غندنه کوي خو ورسره يې ورته ویلي د پي ډي اېم د حکومت غندنه دې کړې چې اقتصادي بحران يې جوړ کړی دی".
No question about it, strongly condemned.Have you condemned the financial crisis that the PDM govt has created with the non-payment of NHP, the 30 bln Rs deficit in the FATA budget, and the implementation of Maryam%27s plan to stop Sehat Card in FATA?
— Taimur Khan Jhagra (@Jhagra) October 6, 2022
د فواد چودري سره په ټولنيزو رسنو د اې ار وايي ټي وي د پروګرام په کوربه هم نیوکې روانې دي.
فياض احمد په ټويټر کاشف عباسي ته په مخاطب کولو ويلي،
"په دومره غټ چېنل دومره سپکې او غورځېدلې خبرې، د هغه د غلي کولو په ځای ورته ته خاندې".
اتنے بڑے چینل پر بیٹھ کر اتنی گری ہوئی اور گھٹیا بات کردی ، @Kashifabbasiary صاحب شٹ اپ کال کی بجائے آپ بھی ہنس رہے ہیں ۔۔ واہ واہ @kshnwn @AimalWali pic.twitter.com/bwVNkDkSmB
— Fayaz Ahmad (@fayazahmed90) October 5, 2022
جرنلسټ مرتضا سولنګي په ټويټر ويلي،
"دا د شرم وړ خبره ده، دا د فواد چودري دپاره د شرم وړ خبره نه ده ځکه چې هغه او د عمران خان پورې د هغو ټول کارکنان دغه ډول د شرم وړ خبرې کوي. زه په کاشف عباسي خفه يم. ما د هغه نه د ښه تمه کوله. مخکې یې مونږ د فېصل واوډا په بوټ ښکته کړي او اوس يې دا وکړه".
It is shameful. No it is not shameful for Fawad Chaudhry as he and the PTI cabal including Imran Khan are dedicated and consistently shameless.I am sad for Kashif. I expected better from him. He let us down during Vawda boot and now this. Sad indeed.pic.twitter.com/fq4k3itpfB
— Murtaza Solangi (@murtazasolangi) October 5, 2022
فواد چودري او کاشف عباسي تراوسه پورې دغو څرګندونو ته کوم غبرګون نه دی ویلی.