په تېرو ۲۴ ساعتونو کې پخواني وزیر اعظم عمران خان ته په تحفه کې د ورکړل شوې ګهړۍ/ساعت د خرڅ په ځای بحث روان دی. د عمران خان ډله وايي یاده قېمتي ګهړۍ په اسلام اباد کې خرڅه شوې ده او په دوبۍ کې میشت یو کاروباري عمرفاروق ظهور دعوه کړی چې هغه دغه ساعت په شل لکه نقدو ډالرو د عمران خان د مېرمن ملګرې فرح ګوګي نه اخستې ده.
عمران خان دپاکستان په شخصي ټي وي چینل جیو اؤ دهغې د نطاق شاه زیب خانزاده ترڅنګ په عمرفاروق دمقدمې کولو اعلان هم کړی دی اؤ وایي دخپلو وکیلانو سره یې مشوره پیل کړې ده. په دوبۍ کې د ګهړۍ د خرڅولو دعوه جیو ټي وي باندې تېره شپه خپره شوې وه.
دحکومتي ایتلاف مشرانو اؤ فعالینو دعمران خان نه په سوشل میډيا پوښتنې کړې دي چې دتوشه خانې نه اخستل شوی ساعت یې ولې پلورلی دی اؤ دپیسو حساب یې ولې پټ ساتلی دی؟
په دوبۍ کې میشت یو پاکستاني سوداګر عمر فاروق ظهور دشخصي ټيلي ويژن جیو په یو پروګرام کې دعوه کړې وه چې هغه قیمتي ساعت اؤ نور سامانونه یې دعمران خان دښځې له یوې ملګرې فراح ګوګي نه دوبۍ کې په دوه میلیونه ډالر اخستي وؤ کوم چې عمران خان ته دسعودي شاهي کورنۍ په تحفه کې ورکړي وؤ.
دپاکستان دقانون له مخې کومې تحفې چې دهیواد چارواکو ته ورکول کیږي هغه د دولتي توشه خانې ملکیت وي اؤ بیا یې دغلته نه چارواکي په یوه ټاکل شوې ارېانه بیعه ترلاسه کولی شي.
دجیو ټي وي په پروګرام کې دعوه شوې ده چې عمران خان ته دسعودي لخوا ورکړل شوې قیمتي تحفې هغه دپاکستاني روپو په حساب په یو ارب اؤ اویا کروړه روپۍ پلورلي دي خو قامي خزانې ته یې یوازې دوه کروړه روپۍ ورکړي .
سوداګر عمر فاروق دټي وي په دې پروګرام کې دسعودي شاهي کورنۍ لخوا عمران خان ته تحفه کې ورکړل شوی هغه قیمتي ساعت، قلم،ګوتمه اؤ بټنې هم خلکو ته ښودلي دي چې وایي فراح ګوګي یې دخرڅون لپاره پینځه میلیونه ډالره غوښتنه کړې وه خو هغه ترې په دوه میلینه ډالر اخستي .
په سوشل مېډیا د خرڅ شوي ساعت خپور شوو عکسونو کې ليدل کېږي چې د ګهړۍ په مخ د خانه کعبې او د مسلمانانو د سپېځلي جومات ‘مسجد حرام’ منارې نقشونه پراته دي.
ښاغلی ظهور وایي دغه ساعت دا مهال په 12 میلیونه ډالر پلورل کیدای شي خو نوموړي تاجر دعمران خان دښځې دملګرې فراح ګوګي نه دیاد ساعت اؤ نورو سامانونو داخستو په اړه هیڅ ثبوت نه دی وړاندې کړی.
عمران خان د چهارشنبې په ورځ دسوداګر عمرفاروق دعوه دروغ بللې ده اؤ ویلي یې دي چې هغه دغه ساعت یا ګهړۍ په اسلام اباد کې پلورلې ده اؤ ددې ثبوت هم لري.
عمران خان دتوشه خانې نه داخستل شوؤ دې قیمتي توکیو په قضیه کې سږکال داکتوبر په 21مه نیټه دپاکستان دالیکشن کمیشن لخوا نااهله ګرځول شوی دی خو عمران خان وایي چې یاد توکي یې دقانوني لارې په پیسو دتوشه خانې نه اخستي اؤ بیا یې پلورلي دي.
پخپل یو ټویټ کې عمران خان اعلان کړی دی چې په جیو ټي وي ،شاهزیب خانزاده اؤ په یاد سوداګر په پاکستان،برتانیه اؤ متحده عرب اماراتو کې مقدمې کوي.
Enough is enough. Yesterday Geo & Khanzada supported by Handlers slandered me through a baseless story cooked up by a known fraudster & internationally wanted criminal. I have spoken to my lawyers & I plan to sue Geo, Khanzada & the fraudster not only in Pak but also in UK & UAE.
— Imran Khan (@ImranKhanPTI) November 16, 2022
عمران وایي په هغه بې بنیاده تورونه لګول شوي اؤ په دې اړه ده خپلو وکیلانو سره هم خبرې کړې دي.
دجیو ټي وي نطاق شاه زیب خانزاده بیا ویلي چې هغه دنړۍ هرې محکمې ته مخ کیدو ته تیار دی.
پخپلو څرګندونو کې شاه زیب خانزاده ویلي چې په عمران خان کوم تورونه لګیدلي دي هغې ته باید نوموړی ځواب ووایي.
Thank you Khan sb for taking the legal route for once. My program is available for you to give your version but I’m happy to reply to you in the court as well. In the meanwhile, please answer these questions that you have been running away from since 2019pic.twitter.com/JhckEoG1a5 https://t.co/wrEn0I7NPj
— Shahzeb Khanzada (@shazbkhanzdaGEO) November 16, 2022
دعمران خان څرګندونو ته خپل غبرګون کې د واکمن مسلم لیګ نواز ګوند مرستیالې مشرې مریم نواز په ټویټر لیکلي "چا چې نورو ته غل ویلو هغه پخپله دپاکستان تر ټولو ستر غل وختلو"
مریم نواز په عمران خان غږ کړی چې" اخوا دیخوا خبرې مه کوه، رسیدونه راوباسه ،ساعت چې دې په چا پلورلی نوم یې وښایه اؤ پیسې چې دې څنګه پاکستان ته راغوښتې وې هغه په ډاګه کړه"
ادھر ادھر کی باتیں مت کرو، رسیدیں نکالو! گھڑی کس کو بیچی، نام بتاو؟ پیسہ پاکستان کیسے منگوایا، وہ بتاو۔ دوسروں کو چور کہنے والا پاکستان کا سب سے بڑا چور نکلا۔ توبہ! https://t.co/rDEuzsjlCj
— Maryam Nawaz Sharif (@MaryamNSharif) November 16, 2022
خو بل لوري ته بیا عمران خان دګوند پاکستان تحریک انصاف یو بل مرکزي مشر فواد چوهدري ویلي چې عمران خان دقانوني لارې دتوشه خانې نه ساعت په بیعه اخستی اؤ پلورلی یې دی خو وایي په نواز شریف اؤ زرداري د20،20 اربو روپو ثابت شوي دغبن کیسونه دي.
یو مطبوعاتي کانفرنس ته خپله وینا کې فواد چوهدري ویلي په عمران خان د دریوؤ کروړو روپو د فایدي تور لګول شوی هرڅو که عمران خان دغه تحقه دقانوني لارې اخستې ده خو بیا هم پوښتنه پکار ده ځکه چې یوازې تحریک انصاف ګوند دغبن پرضد په بیانیه ولاړ دی.