سوریې کې د بشري حقونو لپاره د څار ډلې ویلي د خالي یا شنبې په ورځ په ختیځ غوطه سیمې کې یو شمیر هوایي بریدونه شوي چې په کې ۳۰ کسان وژل شوي.
د څار ادارې په وینا دغه هوايي بریدونه د یاغیانو په یوې ډلې شوي چې غوښتل یې د حکومت تر کنټرول لاندې سیمو ته ننوځې.
ډله زیاتوي، دا بریدونه د زملکا په ښار شوي چې په کې لسګونه کسان ژوبل شوي هم دي. دمشق په سمدستي توګه د دې برید په هکله څه نه دي ویلي چې په کې یوازې وسله وال مخالفین په نښه شوي او که ولسي وګړو ته هم په کې مرګ ژوبله اوښتې.
د هوايي برید وروسته ټولنیزو ویب پاڼو باندې ويډویوګانې خپرې شوي چې ښايي د ودانیو څخه لوګی پورته کیږي او ګیر چاپیره یې هیلیکوپټرې هم الوتنې کوي.
د سوريې د بشري حقونو د څار ادارې د راپور ترمخه د شورو یا چهارشنبې ورځې راهسې د بریدونو له کبله تر دا دمه شاوخوا ۱۵۰،۰۰۰ ولسي وګړي د افرین سیمې څخه بې ځایه شوي.
