لاس رسیدونکی لینک

Breaking News

د موصل یو انځورګر له داعش مخکې د پخواني ښار ښکلا انځوروي


ولید دباغ د موصل ښار په کنډوالو ګرځي او د داعش د وخت د ترهګرۍ نښو او ویجاړیو ته ځان رسوي.

کله چې داسې یو څه ومومي نو دباغ د تاوتریخوالي او جګړو څخه راپاتې دغه نښې یا ځای باندې ښکلې انځورګري کوي. د موصل د هاغه زاړه ښار انځورونه کاږي چې د ویجاړونکې جګړې مخکې پکې خلکو خوشحاله او ارام ژوند درلود.

هغه امریکا غږ ته وویل زه غواړم نوي نسل ته دا وښایم چې زور ښار څه ډول ښکارېده.

(زه غواړم د هغه ورک شوي میراث خاطرې ژوندۍ وساتم.)

موصل د عراق دوهم ستر ښار وه چې په ۲۰۱۴ کال کې د داعش له ولکې مخکې پکې تر یو میلیون زیاتو خلکو ژوند کاوه.

د داعش له ظلمه ډک دور او بیا له دغه ښار څخه د داعش د شړلو له جګړو راوروسته چې پکې په زرګونو کسان ووژل شول ددغه ښار لویدیځه برخه په کنډواله بدله شوه.

د ملګروملتونو د اټکل له مخې په دغه ښار کې شاخوا ۴۰۰۰۰ کورونه بیارغونې ته اړتیا لري.

د موصل زور ښار یو وخت له ګڼې ګوڼې ډک ښار وه خو اوس پکې د داعش پرضد جګړې راوروسته هرې خواته د کانکریټو او اوسپنو ډیري پراته دي.

داعش دغلته د عبادت ټول ځایونه غیر اسلامي ګڼل او ویجاړ یې کړل خو د دباغ په انځورونو کې جوماتونه او کلیساوې له یو بله سره خوا په خوا ولاړې ښکاري.

د بیا جوړېدو هیله

FILE - Vehicles drive past in a street in Mosul, 390 km (240 miles) north of Baghdad, March 12, 2012. Islamic State militants occupied the city in mid-2014.
FILE - Vehicles drive past in a street in Mosul, 390 km (240 miles) north of Baghdad, March 12, 2012. Islamic State militants occupied the city in mid-2014.

دباغ وویل، د موصل اوسېدونکو هیله درلوده چې ښار پخواني حالت ته ورګرځي او بې ځایه شوي ملکیان بېرته خپلو سیمو ته وګرځي خو د عراقي حکومت لخوا د بیارغونې په چارو کې د ستونزو له امله دغه هیلې پوره نه شوه.

د دباغ لویه اندېښنه دا ده چې د زاړه ښار لرغونې اسعار ښايي له منځه ولاړ شي او نوی نسل ښايي خپله پخوانی تاریخ هېر کړي.

هغه زیاته کړه:

(نوی نسل ښايي بیخي پوه نشی چې کلاک چرچ او څلی چېرته وو. دا دواړه ویجاړ شوي)

د ۸۵۰ کالو زوړ جومات

FILE - Iraqi civilians fleeing walk past the destroyed al-Nuri mosque as Iraqi forces continue their advance against Islamic State militants in the Old City of Mosul, Iraq, July 4, 2017.
FILE - Iraqi civilians fleeing walk past the destroyed al-Nuri mosque as Iraqi forces continue their advance against Islamic State militants in the Old City of Mosul, Iraq, July 4, 2017.

د النوري په نامه لوی جومات هغه ځای و چېرې چې د داعش مشر ابو بکر البغدادي خپل خلافت اعلان کړی و.

داعش دا ۸۵۰ کلن جومات له خپل لرغوني څلي (منار) سره یو ځای د ۲۰۱۷ کال په جون کې له منځه یوړ.

اوس که څه هم له موصل څخه د داعش له وتلو اته میاشتې تېرېږي خو بیا هم داسې ښکاری چې ددغه جومات د جوړېدو چارې ډېرې سستې دي.

د عراق حکومت وايي، دوي د ښار بیارغونې او عادې کولو ته لومړیتوب ورکوي خو دا هم د نړیوالو له مرستو پرته ناشوني برېښي.

په فیبرورۍ کې په کوېټ کې د عراق په اړه په یو نړیوال کانفرانس کې د ۳۰ میلیاردو ډالرو پانګونې ژمنې وشوې تر څو د عراق اقتصاد او اډانه پرې ورغول شي.

خو بیا هم دغه رقم د عراق د لومړي وزیر (وزیر اعظم) له تمو کم و ځکه هغه ویلي و چې له داعش را وروسته د عراق د رغونې لپاره ۹۰ ملیاردو ډالرو ته اړتیا ده.

XS
SM
MD
LG