د امریکا د صدر ډانلډ ټرمپ د پاکستان په اړوند تازه څرګندونو ته په غبرګون کې د پاکستان د بشري حقونو مرکزي وزيرې ويلي، د امريکې د خوشحالو د پاکستان پاليسۍ هیڅ کار نه دی کړی.
شيري مزاري په ټويټر ويلي" د ټرمپ په پاکستان تازه نيوکې چې هيڅ يې نه دي کړي د هغو ليډرانو دپاره سبق دی چې په ځانګړي د ۹/۱۱ نه وروسته يې د امريکا د خوشحالو د پاليسۍ ملاتړ کوو".
د امريکې صدر ډانلډ ټرمپ ويلي دي پاکستان د امریکا لپاره هيڅ نه دي کړي.
ټرمپ یو امریکايي ټيلي وژن فاکس نیوز ته په مرکه کې وویل چې پاکستان ته د پیسو نه ورکولو په خپله فیصله ولاړ دی.
مزاري ويلي په دغو (پاکستاني) پاليسيانو کې د امریکې د ترهګرۍ پرضد جګړه کې پاکستانيانو ژوند د لاسه ورکړی، رېمنډ ډېوس او نورو ته پکې ځای هم ورکړی شوی دی.
هغې ويلي، په ډرون بريدونو کې په غېر قانونه توګه وژنې او د قربانيو نه ختمېدونکی فهرست، خو يو ځل بيا تاريخ تکراروي چې د خوشحالولو پاليسۍ هيڅ کار نه دی کړی.
مزاري زياته کړې که چين او که ايران دی، د امريکې د يواځې کولو پاليسيانې د پاکستان د سټراټيجيکي ګټو سره سمون نه خوري.
صدر ټرمپ د روان کال ٢٠١٨ په وړومبۍ ورځ په یو ټویټ کې ویلي وو د امریکې د اربونو ډالرو د امداد په ځواب کې پاکستان یوازې د دروغو او درغلۍ نه کار اخیستی دی
"پاکستان مونږ ته د دروغو او درغلۍ نه علاوه هیڅ نه دي راکړي، زمونږ مشران یې بې وقوفان ګڼل".
فاکس ته د یو تپوس په ځواب کې صدر ټرمپ وویل د القاعده مشر اسامه بن لادن په پاکستان کې ساتل شوی وو:
"خو د پاکستان د پوځي چاؤڼۍ سره جوخت اوسېدلو، او په پاکستان کې ترې هر څوک خبر وو چې دغلته پاتې کیدلو".
هغه وویل امریکا پاکستان ته يې ١.٣ بیلنه ډالره د یو کال ورکول او هغه هم په داسې وخت کې چې اسامه په پاکستان کې اوسیدلو:
"او دغه وخت مونږ د پاکستان مرسته کوله" هغه وویل دغه پېسې وس په پاکستان بندې شوي دي.
صدر ټرمپ وویل چې په راتلونکې کې افغانستان او عراق ته د سفر اراده لري، او هلته به له امريکايي ځواکونو سره لیده کاته کوي خو نوموړي ددغه سفر نیټه نه ده ښودلې.