د شمالي وزيرستان په دوه بېلابیلو علاقو کې په دوه چاؤدنو کې لږ تر لږه څلور پوځي عسکر وژل شوي او يو ژوبل شوی دی.
د شمالي وزيرستان پوليس او انتظاميې وي او ای ډیوه سره په خبرو کې پخلی کړی چې نن د ګل، دوشنبې په ورځ د شمالي وزيرستان په دوسلي او ميرعلي تحصيلونو کې چاؤدنې شوي دي.
پوليس وايي لمړۍ چاؤدنه د دوسلي تحصيل په منزرخېل علاقه کې شوې او د پوځ ګشتي پارټي په ښخ کړی شوي بم په نخښه کړی شوې ده.
پوليس ویلي د ابتدايي مالوماتو له مخې په چاؤدنه کې يو پوځي حوالدار او سپاهي وژل شوي او يو بل ژوبل شوی دی.
پوليس زیاته کړې د علاقې د پوليس مشران سره د پوليس، پوځ او نورو امنيتي سرتېرو علاقې ته رسېدلي او علاقه يې په ګېره کې اخيستې ده.
خو د پېښې په اړوند نور جزيات مخې ته نه دي راغلي.
د چاؤدنې زمه واري چا نه ده منلې.
په شمالي وزيرستان کې د چاؤدنې بله پېښه د ميرعلي تحصيل د خېسور علاقې په شېر کلي کې شوې ده.
انتظاميه پخلی کوي چې په دغه ښخ بم کې هم دوه پوځي سرتيري وژل شوي دي.
د يادې پېښې په اړوند هم نور جزيات نه دي شريک کړی شوي او ويل شوي چې دغلته هم علاقه په ګېره کې اخیستل شوې او د لټون عملیات پېل کړی شوي دي.
د دې چاؤدنې زمه اري هم چا نه ده منلې.
د پاکستان پوځ په رسمي ډول د ننيو چاؤدنو په اړوند د دې خبر خپرېدو پورې څه نه دي ویلي.
په شمالي وزيرستان کې وخت په وخت دغه ډول د چاؤدنو پېښې کيږي، امنيتي سرتيري پکې په هدف کیږي او هدفي وژنې هم کیږي.
