د خېبرپښتونخوا وزیراعلی محمود خان ویلي پېښور ته به سبا د ګل/ دوشنبې د ورځې نه د عرب (ګلف) هېوادونو څخه پروازونه راتلل پېل شي.
سرکاري ميډيا د وزیراعلی محمود خان له قوله ویلي نړيوال پروازونه چې بيرته په ځای شو او د بهر هېوادونو سره نړيوال پروازونه پېل شو خلک به اوس کولی شي چې بيرته خپل ملک ته راشي.
هغه ويلي سبا به لمړی پرواز د سعودي عرب څخه په باچا خان هوايي اډه کوزيږي.
هغه ويلي دوېم پرواز به په درېم جون او د هغې وروسته به د پاکستان انټرنېشنل ائيرلاين پرواز په شپږم جون رارسي.
د پاکستان مرکزي حکومت د خالي/ شنبې په ورځ پاکستان انټرنيشنل ائيرلاين (پي ايي ای) د الوتکو ترڅنګ بهرنيونړیوالو پروازونو ته اجازت ورکړی دی.
پاکستان د کرونا وبا له امله نړيوال او په ملک کې دننه ټول پروازونه ودرولي وو.
پاکستان په داسې حال کې ځايي او نړيوال پروازونه په ځای کوي چې په ملک کې د کرونا وايرس پېښې ورځ تر بلې سېوا کيږي.
په پاکستان کې په تېر شوا روز کې نور ۸۸ کسان د کرونا وايرس څخه مړه شوي دي، له دې وړاندې په ۲۴ ساعتونو کې ۷۸ کسان د کرونا وايرس څخه مړه شوي وو.
په ملک کې د کرونا وايرس څخه د مړينو ټوله شمېره ۱۴۸۳ ته رسېدلې ده.
په تېر شوا روز کې په ۳۰۳۹ نورو کسانو کې د کرونا وایرس پخلی شوی چې ورسره په ملک کې په دې وايرس د اخته شوؤ شمېره ۶۹زره ۴۹۶ ته سېوا شوې ده.
سرکاري شمېرې ښايي په ملک کې په دې ناروغۍ اخته ۲۵زره۲۷۱ کسان ښه شوي هم دي.
