لاس رسیدونکی لینک

تازه خبر

سپينه ماڼۍ: روس د اولمپک په مهال په يوکرېن حمله کولی شي


د سپينې ماڼۍ د ملي امنيت سلاکار جېک سېلوېن ویلي، روس د اولمپک په مهال په يوکرېن بريد پېل کولی شي.

جېک سېلوېن د جمعې په ورځ خبريالانو سره په خبرو کې ويلي، چې روس د يوکرېن د پولې سره نزدې پوره پوځ په ځای کړی دی، او غټ پوځي عمليات کولی شي.

هغه ويلي، د حملې په صورت کې روس د يوکرېن پوره علاقه نيولی شي، چې پکې پلازمينه کېف هم شامل دی.

امریکې په يوکرېن کې خپلو وګړو ته ويلي چې د 24 نه تر 48 ساعتونو پورې د يوکرېن نه ووځي.

سېلوېن ويلي د فضايي حملو په مهال به بيا د دغه هېواد نه وتل ګران وي.

له دې وړاندې د امريکا صدر جوبايډن هم د (اېن بي سي نيوز) سره په خبرو کې ويلي وو، امريکايي وګړو ته وتل پکار دي، او سمدستي وتل ورته پکار دي.

صدر بايډن ویلي، "زمونږ واسطه د داسې پوځ سره ده چې د نړۍ په غټو پوځونو کې يو دی، دا ډېر بدل حالات دي، او حالات يو دم خرابېدی شي".

د امريکې نه وروسته برتانيې هم خپلو وګړو ته د یوکرېن څخه د وتلو ويلي دي.

پېنټاګون ويلي، د صدر بايډن په لارښوونه د عمل سره د دفاع وزير لوېډ اسټېن د درېو زرو پوځيانو پولېنډ ته د روانولو امر کړی دی.

له دې وړاندې په فرورۍ کې 1700 پوځيان پولېنډ ته روان کړی شوي دي.

سپينې ماڼۍ ويلي، صدر بايډن د يوکرېن او روس د شخړې په سر د کېنېډا، فرانس، جرمني، اټلي، پولېنډ، رومانيه، برتاينه، نېټو، يورپي يونين او يورپي کونسل د مشرانو سره خبرې کوي.

امریکايي صدر ویلي يوکرېن ته به خپل پوځ نه ليږي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG