لاس رسیدونکی لینک

تازه خبر

روس په هغو وسلو بمباري کړې چې امریکا او اروپا اوکراین ته استولې وې


واشنګټن - د روس د دفاع وزارت ویلي، چې روس د یکشنبې یا اتوار په ورځ په اوکراین کې په هغو وسلو باندې بریدونه کړي کومې چې د امریکا او اروپايي‌ هېوادونو لخوا دغه هېواد ته استول شوې وې.

رویټرز خبري اداره دا هم لیکي، چې روس د اوکراین اوډېسا ښار ته څېرمه د یوې پوځي اډې ځغاستلیکه یا رنوې هم وېجاړه کړې ده.

سي ان ان د اوکراین د پوځ له خولې راپور ورکړی چې روس د اوکراین په ختیځ کې خپله درنه جګړه روانه کړې چې په کې درنې وسلې، توغندیز بریدونه او نور پوځي وسایل کارول شوي.

اسوسېټېډ پریس خبر ورکړی چې د امریکا د استازو جرګې مشرې نېنسي پيلوسي له کیېف څخه لیدنه کړې او د اوکراین له ولسمشر سره یې خبرې کړي.

پیلوسي زېلینسکي‌ ته ویلي، "مونږ باور لرو او له دې ځای لیدنه کوو چې له تاسو څخه د ازادۍ په جګړه کې مننه وکړو."

هغې زیاته کړه، "مونږ د بري په سرحد کې یو او ستاسو جګړه د هر چا لپاره ده. زمونږ ژمنه دا ده چې له تاسو سره به تر هغو یو چې جګړه پای ته رسېدلي نه وي."

سي ان ان راپور ورکړی چې ۴۶ ملکي وګړي د شنبې یا خالي په ورځ د اوکراین په مېرېپول ښار کې د پولادو د کلابندې شوې کارخانې له شاخوا سیمو څخه وېستل شوي دي.

بل پلو واشنګټن پوست راپور ورکړی چې سویډن ویلي، یوه روسۍ الوتکې د جمعې په ورځ ددغه هېواد له هوايي حدودو څخه تېری کړی، او د دوی په فضا کې تر یو لنډ وخت وروسته بېرته تللې.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG