اصف علي زرداري د پاکستان د صدر په حېث سوګند پورته کړی

د پاکستان پيپلز ګوند مشر اصف علي زرداري د پاکستان د ‏‎14‎م صدر په حېث سوګند پورته کړی دی، نوموړی په دویم ځل د پاکستان صدر جوړ شوی، د ‏صدر په حېث د سوګند پورته کولو دستوره یې په اېوان صدر کې شوې ده.‏

د پاکستان چیف جسټس قاضي فايز عيسا د اصف علي زرداري نه سوګند اخستی، په دغه موقع د مسلم ليګ ن ګوند مشر او پخوانی وزيراعظم شهباز ‏شريف، د پاکستان مخکينی صدر عارف علوي، د پاکستان د درې واړو پوځونو مشرانو، د صوبو ګورنرانو او اعلا وزيرانو او ګڼو نورو خلکو ګډون کړی ‏دی.‏

اصف علي زرداري له دې وړاندې د کال ‏‎2008‎‏ نه تر کال ‏‎2013‎‏ پورې د پاکستان صدر پاتې شوی وو.‏
د پاکستان د انتخاباتو کمیشن ویلي په نهم مارچ د صدر د څوکۍ په ترسره شوو انتخاباتو کې اصف علي زداري په قومي اسمبلۍ او ټولو صوبایي ‏اسمبلیو کې ټول 411 ووټونه اخیستي او محمود خان اڅکزي ټولې 181 رای اخیستې وې.‏

د زرداري مهم کارونه‎ ‎

هغه د خپل صدارت په وړومبۍ دوره کې ځېنې داسې فېصلې او اقدامات کړي چې تر اوسه ستایل کیږي.‏
په 8م اپریل کال 2010 م کې هغه د 18م اییني بدلون له منظورېدو وروسته خپل ټول اختیارات پارلیمان ته منتقل کړي وو.‏‎

ددې تر څنګ هغه ته د "سرحد " صوبې د نوم په خېبر پښتونخوا د بدلولو ویاړ هم ورکول کیږي او په نومبر 2009م کې یې ګلګت بلتستان ته د خپلواکۍ ‏ورکول ګام هم ستایل کیږي.‏

اصف علي زداري څوک دی ؟

اصف علي زرداري په کال 1955م کې د پاکستان د یو وتلي سیندي سیاستمدار او جاییداد من شخص حاکم علي زرداري په کور کې سترګې غړولي.‏ حاکم علي زرداري د پاکستان د پخواني وزیراعظم ذوالفقار علي بټو د نزدې ملګرو څخه وو او وروسته بیا په نیشنل عوامي ګوند کې شامل شوی وو.‏

د زرداري زده کړې

اصف علي زرداري خپلې وړومبۍ زده کړې د سينټ پيټرکس اسکول کراچۍ نه کړي، بیا په کال 1974کې د دادو د کیډټ کالج پټارو نه منځنۍ زده کړې ‏وکړې خو په انټرنیټ د هغه د خپور ژوند لیک له مخې نوموړي وروسته په لاند اسکول اف اکنامکس اینډ بزنس نومې یوه اداره کې داخله اخستې وه خو ‏هغه کله هم دا تاييد نه دی کړی چې ګنې ګریجویشن یې کړی دی.‏

په وړوکوالي فلمونو کې کار

په وړوکوالي هغه په کال 1968کې د اردو ژبې په یو فلم ’منزل دور نہیں‘ کې هم د ماشوم اداکار په توګه کار کړی وو خو دغه فلم یې فلاپ شوی وو او بیا ‏یې په بل فلم کې کار ونه کړو.‏

نوموړي په سیاست کې په عملي ډول برخه په کال 1985 کې اخستې وه او په دغه کال هغه په غیر ګوندي بنیادونو ترسره شوو انتخاباتو کې د سیند اسمبلۍ ‏ته د کاندید په توګه خپل کاغذونه جمع کړي وو خو بیا یې بېرته اخستي وو.‏

په کال 1987م کې د ښاغلي زرداري واده د پاکستان د پخواني وزيراعظم او پيپلز ګوند د باني مشر ذوالفقار علي بټو د لور او پخوانۍ وزیراعظمې بېنظیر ‏بټو سره شوی وو.‏ د بېنظیر بټو نه د هغه درې اولادونه، زوی بلاول بټو زرداري او دوه لوڼه اصفه او بختاور زیږیدلي دي.‏