واشنګټن که یو خوا د هیلي کاپټر غورځېدو پېښه کې د ایران د صدر ابراهیم ریسي په مړینه خواشیني ښودلې نو بلخوا سپینې ماڼۍ خپل یو بیان کې ویلي دي چې د صدر ریسي لاسونه د ډیرو خلکو په وینو سره وؤ.
دامریکې د ملي امنیت کونسل مشیر جان کربي د ګل یا دوشنبې په ورځ د ایراني صدر د هیلي کاپټر په پېښه کې په مړینه وویل،هغه یو داسې شخص ؤ چې لاسونه یې د ډیرو خلکو په وینو سره وؤ.
خو کربي زیاته کړه ، مونږ په یقیني توګه یوه حادثه کې د هغه په مړینه خواشیني شوي یو اؤ په رسمي توګه مو د هغه په مړینه غمرازي هم کړې ده.
امریکې د دوشنبې په ورځ د هیلي کاپټر راغورځېدو پېښه کې د ایراني صدر ابراهیم ریسي، د خارجه وزیر حسین امیر عبداللهیان اؤ نورو کسانو په مړینه خواخوږي ښودلې ده.
د امریکې د بهرنیو چارو د محکمې ویاند میتیو ملر یو بیان کې ویلي په یو داسې وخت کې چې ایران د یو نوي صدر ټاکنه کوي، مونږ د انساني حقونو اؤ بنیادي ازادیو لپاره د ایراني ولس د مبارزې ملاتړ کوؤ.
د امریکې خارجه محکمې ویلي ایران د هیلي کاپټر په پېښه کې د صدر ابراهیم ریسي له مړینې وروسته دې لړ کې د امریکې نه د مرستې خواست کړی دی.
خو د خارجه محکمې ویاند بیا دا نه دي ویلي چې ایران د امریکې نه څه رقم مرسته غوښتې ده ؟ ځکه چې د ایران اؤ امریکې تر منځ د اسلامي انقلاب نه وروسته اړیکې تاوجنې دي اؤ دواړه هیوادونه یو بل سره سفارتي روابط نه لري.
امریکې د ایران د ایټمي پروګرام پسر په ایران یو شمیر اقتصادي بندیزونه لګولي دي.
د خارجه محکمې ویاند میتیو ملر خبریالانو ته ویلي ، زه په څه رقم جزیاتو کې تلل نه غواړم ، خو غواړم ووایم چې د ایران حکومت به دې لړ کې مونږ ته د مرستې وینا کړې ده.
ویاند ویلي دي چې په پراخه توګه د لاجسټک سره داړونده وجوهاتو له امله مونږ له څه کولو قاصره یا ناتوانه یو.
ویاند ویلي، ریسي ایران کې په ایران کې د کېدونکو ظلمونو اؤ د بشري حقونو د سرغړونو ذمه وار ؤ اؤ هغه د حماس په ګډون د یو شمیر پراکسیو(ایران پلوه جګړه مارو) مرسته کوله.
امریکا تورونه لګوي چې ایران د حزب الله اؤ حماس په ګډون منځني ختیځ کې د وسله والو ډلو مرسته کوي اؤ به سیمه کې خپل اثر رسوخ سیوا کول غواړي.
په کال 2019م کې د امریکې د هغه وخت صدر ډونلډ ټرمپ په صدر ابراهیم ریسي له دې امله بندیزونه لګولي وؤ چې د هغه په انتظامي څارنه کې یو شمیر داسې کسان تېزندي کړل شوي وؤ چې د جرم کولو په وخت یې عمرونه خام وؤ.
همدا شان هغه مهال ایران کې د بندیانو سره د ایذا رسانۍ اؤ نورو سختو سزاګانو ورکولو عمل هم عام ؤ.
د عدلیې د مشر په توګه ریسي د یو داسې نظام مشري پغاړه لرله چې بندیانو اؤ د فعالینو کورنۍ پرې له یوې اوږدې مودې راهسې نیوکي کوي اؤ وایي د دوه ګوني تابعیت لرونکي اؤ هغه کسان په دې نظام کې په نښه کړل کیږي چې د لویدیځ سره یې اړیکه وي .
ایران دداسې تورونو منلو نه انکار کوي اؤ وایي چې د عدالتونو له لوري ورکول کیدونکو سزاګانو کې ټولې قانوني تقاضې پوره کولی شي.
(د دې رپورټ مواد له ای ایف پي څخه اخستل شوي)
Forum