لاس رسیدونکی لینک

تازه خبر

په کوېټ کې د استوګنې په ودانۍ کې اور لګېدلی، لږ تر لږه ۴۹ کسان پکې مړه شوي


واشنګټن – په کوېټ کې د استوګنې په یوې ودانۍ کې چې کارکونکي په کې اوسېدل، د شورو یا چهارشنبې په ورځ سهار وختي اور لګېدلی او لږ تر لږه ۴۹ کسان پکې مړه شوي دي.

چارواکي وايي، له کوډونو (قوانینو) څخه سرغړونه ښايي د اور لګېدنې سبب شوی وي.

اور د کوېټ په منګاف ضلعه کې لګېدلی و چېرې چې زیات بهرني کارکونکي دېره دي.

په اور کې یو ژوندی پاتې شوی کس چې د مصر یو ډرایور دی ویلي، اور د ودانۍ په ښکته پوړ کې ولګېده او بیا بره لاړ او ټوله ودانۍ له لګوي څخه ډکه شوه.

پولیس وايي، ګڼ اوسېدونکي ژغورل شوي خو اکثره بیا د لوګي د تنفس کولو له امله مړه شوي دي.

د هند سفیر ویلي، چې تر ۳۰ زیات هندیان په روغتون کې تر درملنې لاندې دي.

سیمیزو چارواکو ویلي، د نورو مړو شویو کسانو پېژندنه هم شوې ده.

د هند وزیر اعظم نریندرا مودي‌ په ټولنیزې رسنۍ اېکس یا پخواني‌ ټوېټر باندې ویلي، "زما فکر له ټولو هغو سره دی چاچې خپل نېږدې او عزیزان له لاسه ورکړي."

د کوېټ د بیارغونې په ګډون اکثره صنعتونه په بهرنیو کارکونکو باندې ولاړ دي.

کوېټ کې همدارنګه د نړۍ د تېلو شپږمه لویه سرچینه پرته ده.

تر دې مخکې په ۲۰۲۲ کال کې د تېلو په یو چڼ ځای کې د اور لګېدنې په پېښه کې څلور کسان مړه شوي وو.

هغه مهال د کوېټ د کورنیو چارو وزیر شیخ فرهاد یوسف الصباح له هغې ودانۍ څخه د لیدنې پر وخت چې اور پکې لګېدلی و ویلي و،

"د ودانیو یا ریل ایسټیټ د مالکینو د حرص له امله داسې پېښې کېږي."

د کورنیو چارو وزیر د ودانۍ د مالک د نیولو حکم کړی و او ویلي یې و چې دی به د کار کونکو د ګڼې ګوڼې ستونزه حل کړي.

د پولیسو یو جګ پوړي قومندان ویلي، چې پولیس هر کله په ودانیو کې د زیاتو خلکو د ځای پر ځای کېدو پر وړاندې خبرداری ورکړی.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 2:59:59 0:00

Recommended

XS
SM
MD
LG