د هند وزیراعظم نريندرا مودي به د جمعې په ورځ د اوکراين د صدر ولاديمير زيلنسکي سره ويني، دا مياشت وروسته له هغې چې زيلنسکي د مودي د روس په سفر کې ولاديمير پيوټن ته په غاړه ورکولو نيوکې کړې وې.
مودي په هغه ورځ د روس سفر کړی وو، چې روس په اوکراين ميزايلې داغلې ګڼ کسان یې وژلي، د ماشومان روغتون یې اغېزمن کړی وو.
زيلنسکي د مودي او پيوټن ليدنه"د امن د هڅې تباه کوونکې بللې چې د نړۍ د غټ جمهوریت مشر په داسې ورځ په مسکو کې د نړۍ تر ټولو خونړي مجرم ته غاړه ورکوي".
د مودي حکومت په اوکراين د روس د يرغل ضد د خبرو کولو ډډه کوي، او د دواړو هيوادونو مثبتې اړیکې په ځای ساتي.
هند په دواړو هيوادونو د خبرو د لارې د شخړې د هواري خبره کوي.
زيلنسکي د ګل/ دوشنبې په ورځ تمه څرګنده کړې چې د مودي د اوکراين د لومړي سفر په مهال څو اسناد لاسليک شي.
د روان کال په پيل کې زيلنسکي ویلي وو، اوکراين د هند سره د زراعتو په صادراتو، درملو په تجارت او صنعتي تجارت کې اړیکې پراخول غواړي.
په 2020م کې په اوکراين د حملې وروسته چې په روس باندې لويديځ بنديزونه لګولي، روس، هند ته تېل لېږونکی غټ هيواد جوړ شوی دی.
په کمه بيه تېلو اخستو د هند په اربونو ډالره بچ کړي او د روس د جګړې اقتصاد یې ښه کړی دی.
هند د خپلو پينځو وګړو وژنه هم ليدلي، چې په روس کې یې د ملاتړې دندې لپاره لاسليک کړی او په اوکراين کې د جګړې لومړۍ کرښې ته لېږل شوي وو.
هند په مسکو ټينګار کړی چې هندي وګړي بيرته ستانه کړي چا چې د ملاتړو د دندې لاسليک کړی وو.
هند په روس باندې د ملګرو ملتونو د بنديزونو عملي کولو انکار کوي.
( د دې خبر ځينې معلومات رویټرز او اې پي څخه اخستل شوي دي)
Forum