د افغانستان په مغربي هرایت ولایت کې یو جومات سره نژدې د بم چاودیدو له امله یو تن وژل شوی او نهه نور زخمیان شوي دي.
د هرات د ولایت د پولیس ترجمان عبدالاحد ولي زاده وي او ای ته وویل دوه کسانو د ماسپښین د لمونځ په وخت په جومات حمله وکړه خو د جومات محافظینو ولیدل او ډزې یې پرې وکړې. یو حمله کونکی ووژل شو او بل د ځان پورې تړلی بم خلاص کړو.
داعش د عماق په نوم د خپلې خبرې څانگې د لارې په هرات کې د شیعه مسلک په جومات د حملې ذمه واري په غاړه واخیسته.
داعش په ورستیو کې په افغانستان کې د گڼ شمیر حملو ذمه واري په غاړه اخیستې ده.
تیره هفته، د داعش یو ځانمرگي حمله کونکي په کابل کې د شعه مسلک جومات سره نژدې ځان پورې تړلی بم وچلولو. په حمله کې ٣٣ کسان ووژل شو او د ٦٠ ؤ نه زیات زخمیان شول.