د نړۍ تر ټولو ستر جمهوریت هند کې د انتخاباتو نېټې اعلان شوي

د نړۍ په تر ټولو ستر جمهوریت هند کې د "لوک سبها" د انتخاباتو لپاره نیټې اعلان کړل شوي چې له مخې به یې دا انتخابات په اوو پړاوونو کې د 19م اپریل نه تر لمړي جون پورې سرته رسیږي اؤ په څلورم جون به یې نتیجې اعلانولی شي.

چیف الیکشن کمشنر راجیو کمار د خالي په ورځ نوي ډیلي کې د مطبوعاتي کانفرنس په مهال ویلي چې د څلور ریاستونو سکم،اړیسه،اروناچل پردېش اؤ اندهرا پردېس د اسمبلیو لپاره به هم ټاکنې د لوک سبها د ټاکنو سره یو ځای کیږي.

همدا شان بیلا بیلو ریاستو کې د اسمبلۍ په 26 څوکیو ضمني ټاکنې به هم په یو ځاي کیږي.

راجیو کمار وویل د هند د انتظام لاندې جمو و کمشیر کې به د اسمبلۍ ټاکنې د لوک سبها له ټاکنو وروسته کولی شي.

د چیف الیکشن کمشنر وینا وه چې وړومبي پړاؤ کې به د ټاکنو لپاره په 19م اپریل، دویم پړاؤ کې په 26م اپریل، دریم کې په 7م مئ ، څلورم کې په13م ، پینځم کې په 20 مئی،شپږم کې په 25م مئی اور اووم کې په لمړي جون رائ ورکول کیږي.

د الیکشن کمیشن د شمېرو له مخې په هند کې د رائ ورکوونکو شمېره 98 کروړه ده چې 47 کروړه پکې ښځې دي اؤ رایو ورکولو لپاره به تر یو میلین زیات پولنګ اسټیشنونه جوړولی شي

د ټاکنو لپاره به تر یو نیم لک زیات مامورین ګمارل ګیږي اؤ 55 لکه برقي‌ مشینونه به هم د رائ ورکولو په عمل کې کارولی شي.

الیکشن کمشنر ویلي چې دا ځل به 82 لکه کسان په وړومبي ځل خپلې رائ ورکړي