اسرایل د فلسطيني ریاست نړیوالې غوښتنې رد کړي

اسرايل د اتوار/ يکشنبې په ورځ د فلسطيني رياست "په يو اړخيزه توګه منلو" دپاره د خپل مهم اتحادي هيواد امریکې په ګډون نړيوالې غوښتنې رد کړي او ‏ويلي يې دي، دغه ډول تړون يواځې د خبرو د لارې کېدی شي.‏

د اسرايل وزیراعظم بين يامين نېتن ياهو د دغه پرېکړې اعلاميه خپلې کابينې ته وړاندې کړې او په متفقه توګه منظوره کړل شوې ده.‏

په بيان کې ويل شوي، "اسرايل د فلسطين سره په مستقله توګه يا دايمي تړون نړيوال حکمونه په کلکه ردوي".‏

د دوه رياستي حل، په لويديځه غاړه کې د ازاد فلسطيني رياست او غزه کې اسرايل لوري ته، خبرې د کال ‏‎2014‎م راهسې د ځنډ ښکار دي.‏

د اسرايل او حماس جګړه چې اوس یې پينځمه میاشت ده، امریکې او نورو هيوادونو د فلسطيني رياست جوړېدو غوښتنه بيا تازه کړې ده چې دغه جګړه ‏ختمه شي.‏

د امریکې صدر جوبايډن په منځني ختيځ کې د پراخه تړون په خبره ټينګا کړی چې پکې د اسرايل سره د سعودي عرب او نورو عرب هيوادونو د سفارتي ‏اړيکو معمول ته راوستل هم شامل دي.‏

خو اسرايل په بيان کې د فلسطين رياست رد کړي او ويلي يې دي د اووم اکتوبر په اسرايل د حماس د حملې وروسته دغه ډول تسليمول به "ترهګرۍ ته انعام ‏ورکول او په راتلونکې کې د دې مخنيول کول وي".‏

نېتن ياهو عزم څرګند کړی چې د حماس د وسله والو سره به جګړه تر هغې روانه وي چې څو پورې یې کاميابي نه وي ترلاسه کړي.‏

امريکا د نوې جنګ بندۍ او د ‏‎100‎‏ يرغماليانو د راخوشي په خبرو کې تراوسه نه ده کاميابه شوې.‏

نېتن ياهو ويلي، د حماس غوښتنې ممکن نه دي چې اسرايل د غزې نه خپل پوځونه اوباسي او وسله وال دې د خپلو وسلو بيا جوړولو ته پرېږدي.‏

په ملګرو ملتونو کې د امریکې سفيرې لينډا تومس ګرينفيلډ ويلي، امریکا به د الجيريا لخوا د ملګرو ملتونو په امنیتي شورا کې راتلونکې پلان کې ‏ووټ ورکړي.‏

هغې ويلي، امریکا د غزې د شخړې تل پاتې حل غواړي، او په غزه کې لږ تر لږه د شپږو اوونيو ارامۍ کې به "مونږ ته وخت ترلاسه شي او مونږ به وکړی شو ‏چې د تل پاتې امن دپاره ګامونه پورته کړو".‏

هغې ويلي امريکا په دغه پلان کار کوي چې د اسرايل سره د مصر، قطر او نورو په مرسته ټول يرغمل شوي بیرته د خپلو کورنيو سره يو ځای کړي، په جګړه ‏کې اوږده دمه راولي، اجازه ورکړي چې نور د ژوند ژغورنې خوراک، اوبه، تېل، درمل، او نور اړين توکي ضرورتمندو فلسطينيانو ته ورسي.‏

د رپوټونو ترمخه د اتوار په ورځ د اسرایل بريدونو کې نور ‏‎18‎‏ کسان وژل شوي، د مصر پورې ته نزدې د غزه په جنوب کې په رفح کې په يو بريد کې يوه ښځه ‏او پينځه ماشومان او په خان يونس کې په بل برید کې پينځه سړي وژل شوي دي.‏

د ملګرو ملتونو د صحت پروګرام ویلي، په خان يونس کې د نصر روغتون نور فعاله نه دی پاتې.‏

حماس چې په اووم اکتوبر په اسرایل بريد کړی، ‏‎1200‎‏ کسان یې وژلي، او ‏‎240‎‏ يې يرغمل کړي، له دغې وروسته پېل شوې جګړه کې د حماس د کنټرول ‏لاندې د صحت وزارت ویلي، د اسرایل په ځوابي عملياتو کې نزدې ‏‎29,000‎‏ فلسطينيان وژل شوي چې زياتره یې ښځې او ماشومان دي او خواوشا ‏‎69,000‎‏ ‏نور ژوبل شوي دي.‏

‏( د دې خبر معلومات د اې پي، رویټرز او اې اېف پي څخه اخستل شوي)‏