لاس رسیدونکی لینک

Breaking News

امریکایان د مارټن لوتهر کنگ د زیږون ورځ لمانځي


ښاغلي مارټن لوتهر کېنگ په امریکا کې د ټولینزو حقونو تر ټولو فعاله افریقایي امریکایي مشر وو. د هغه په یاد کې په امریکا کې هر کال د جنورۍ د دریم گل په ورځ د هغه د زیږدنې په ورځ سرکاري رخصت وي.

ډاکټر مارټن لوتر کنگ په کال ١٩٥٥ کې هغه وخت شهرت ترلاسه کړو چې د امریکې د ایلاباما ریاست په منټگمري ښار کې د ښار په بسونو کې د تور پوستکو افریقائي امریکنیانو او سپین پوستکو دپاره د جدا جدا سټینونو خلاف يي احتجاج کامیاب شو او په بسونو کې د نسلې تفریق دغه نظام لمینځه یوړل شو.

د هغه دا تحریک په داسې وخت کې شورو شوی وؤ چې د امریکې او په خاصه توگه سویلي برخو کې افریقایي امریکایانو سره د پوستکي په اساس تعصب او توپیر کېدو دوي په یو بس کې د سپین پوستکو نه بیل کېنول کیدل
دغه رنگ په سکولونو کې هم تورپوستکي زدهکړه کونکی د سپین پوستکو خوا ته کېناستل نه شول په داسې حالکې ښاغلی کنگ دا نعره اوچته کړه چې امریکا کې به یوځل دغه خوب پورا کېږي چې انسانان ټول د برابرۍ په اساس پېدا شوي دي.

ډاکټر مارټن لوتر کنگ د ١٩٥٠ او د ١٩٦٠ په لسیزو د سول رائټس مومنټ یا د شهري حقونو مرکزي رهنما وو.

په کال ١٩٦٣ کې په سرښار واشنگټن کې د لاریون په موقع د اي هیو ای ډریم، ځما یو خوب په نوم تقریر هغه ته افاقي شهرت ورکړو.

په دغه تقریر کې هغه وايي چې د هغه دا خوب دی چې یوه ورځ به په امریکا کې د پخواني غلامانو او پخواني د غلامانو د مالکانو بچي په یوځائې ژوند کوي او شناخت به يي د رنگ او د نسل په بنیاد نا بلکه د کردار په بنیاد کیږي.

په کال ١٩٦۴ کې ډاکټر کنگ ته د امن نوبیل انعام ورکړی شو. هم په دغه کال کې امریکې د هغه وخت صدر لنډن جانسن هیواد کې د نسلي تعصب د خاتمي دپاره قانون لاس لیک کړو.

مارټن لوتر کنگ د اپریل په څلورمه نیټه د ټینسي ریاست په میمفیس ښار کې وژل شو. هغه دغه ښار ته د صفائي کارکونکو تورپوستکو امریکایانو د مرستې دپاره تللی وو. د صفائي کارکونکو مساوي تنخا دپاره په احتجاج لاس پورې کړی وو.

ښاغلی کینگ د عدم تشدد د فلسفې پیروکار وو- دعدم تشدد پیروکار مارټن لوتهر کينگ جونير نه وړاندې د عدم تشدد د لارې د قامي گټو مبارزه په 19مه پېړۍ کې د هندوستان عظيم ليډر مهاتما گاندي، پښتون قام پرسته مشر باچا خان او دافريقه عظيم ليډر نیلسن منډیلا کوله

XS
SM
MD
LG