د روس د دفاع وزير په ټېلي ګرام اېپ يو بيان کې ویلي د دفاع وزير سرګۍ شوې ګوو د يوکرېن په جنوبي دونڅک سيمه کې د روسي پوځ د پوستو دوره کړې.
د روس د دفاع وزير سرګۍ شوې ګوو باندې نيوکې کېږي چې روسي پوځونو په يوکرېن کې په ښه شان جګړه نه ده کړې.
د خالي په ورځ جاري شوې يوه وېډيو کې ليدل کيږي چې د دفاع وزير په يوکرېن کې روسي پوځيانو ته په غوره کار تمغې ورکوي.
په عينې حال کې د برطانيې د دفاع وزارت ویلي د يوکرېن ډونباس سيمې په بخموت ښار کې د روس او يوکرېن د پوځونو ترمينځ درنه جګړه روانه ده او وايي د بخموت ښار نيول به د ډونباس او ګېر چاپېره سيمو د قبضه کولو د پاره يو لويه بريا وي.
يوکرېن وايي دغه ښار دومره جنګي اهميت نه لري خو دغلته درنه مرګ ژوبله د روان جنګ نقشه بدلوی شي.
د برطانيې استخباراتو په ټوېټر خبر ورکړی چې په بخموت ښار د روس پوځ د دريو اړخونو نه بريدونه کوي چې په اسانۍ سره د روس لاسو ته ورتللی شي خو يوکرېن د روسي پوځونو تنبولو د پاره د غلته خپل کمانډو عسکر استولي دي.
د برطانيې استخباراتي رپوتونه وايي د بخموت په سيمه کې دوه مهم پولونه تباه شوي چې يو پول پکې هغه مهم پل هم دی چې بخموت ښار د چاسيو يار ښار سره تړي د چرته نه چې د يوکرېن پوځ ته د وسلې او خوراکي توکو رسد کېږي،
د يوکرېن د دفاع وزارت وايي د مهمو پلونو په تباه کېدلو د يوکريني پوځ سره د رسد لارې ډېرې کمې شوې دي.
بلخوا د يوکرېن صدر ولادي مير ذيلنسکي په خپله امروزه وېنا کې ويلي د يو شمېر مهمو چارواکو سره يې ملاقاتونه کړي چې روس په يوکرېن کې په روان تشدد د احتساب سره مخامخ کړي.
نوموړي ویلي خپل پوره وس کوي چې د جرمونونړيوال عدالت روس ته په يوکرېن کې په جنګي جرمونو سزا ګانې ورکړي.
هر څه که په يوکرېن کې د روس لخوا جګړه نوره تنده شوې امريکا او يورپي ملکونو يوکرېن سره خپلې پوځي مرستې نورې ګړندۍ کړي
د امريکا خارجه وزير اېنتوني بلنکن د جمعې په ورځ د يوکرېن سره د ۴۰۰ ميلينه ډالرو پوځي مرسته اعلان کړې چې ورسره په يوکرېن کې امريکايي مرستې د ۳۲ اربه ډالرونه اوړېدلې دي.
يورپي يونين هم د يوکرېن سره د يو ارب ډالرو په پوځي مرستو کار کوي چې پکې به يوکرېن ته د توپو ګولۍ او نوره وسله ورکړل کېږي.
د يوکرېن د نېشنل ګارډ مرستيال کمانډر ولادي مير نزارېنکو يوکرېني رېډيو سره مرکه کې د پوځي مرستو ستاېنه کړې او ويلي دي
"مونږه ته د ډېرې وسلې ضرورت دی ځکه چې دغلته ډېر روسيان دي او د هغوي د تباه کولو د پاره زمونږه سره پوره وسله نشته"
روس وخت په وخت د يوکرېن سره په نړيوالو پوځي مرستو ټکونه کوي
( د دې رپوټ ځينې برخه د اېسو سيېټډ پرېس نه اخيستل شوې)
