پاکستان سُپرليګ (پي اېس اېل) کې شامل د پېښور زلمي کرکټ ټيم مالک جاوېد افريدی وايي د پېښور زلمي ټيم د پښتنو نمائنده ټيم دی او د پي اېس اېل نه علاوه به هم د نورو ملکونو دورې کوي .
جاوېدافريدي وايس اف امريکا ډيوه ريډيو سره يوه مرکه کې وئيلي د پاکستان ټي ټيونټې قامي کرکټ ټيم کپتان شاهد افريدي سره په ګډه يې د تېرو درېو کالو راهسې د پي اېس اېل جوړولو هڅه کوله ، او اخر چې د پاکستان کرکټ بورډ پي اېس اېل جوړ کړو .
د پېښور زلمي ټيم کپتان چې شاهد افريدي دی په ۱۶ کسانو مشتمل دغه ټيم کې پينځه بهرني او نور ځايي د پاکستان لوبغاړي دي ، جاويد افريدي وئيلي د لوبغاړو د اخستو طريقه کار د وړاندې نه جوړ کړی شوی ؤ ځکه يې په ټيم کې ټول پښتانه کهلاړيان شامل کړی شوي نه دي .
پي اېس اېل کې شاملو ټيمونو کې يواځې په کوئټه ګليډييټرټيم کې د افغانستان نه يو لوبغاړی محمدنبي شامل دی ، جاوېد وايي زه هم هڅه کوم چې نن خپل ټيم له د افغانستان نه يو لوبغاړی راولم .
نوموړی وايي د پېښور زلمي ټيم جوړولو سره يې د ټيم په نوم يو فاؤنډېشن هم جوړ کړی کوم چې به خېبرپښتونخوا او قبائيلي سيمو کې د لوبو د ودې دپاره کار کوي او د پېښور زلمي ټيم به د پي اېس اېل او ټي ټيونټي نړيوال کپ نه پس د افغانستان او نورو ملکونو دورې هم کوي .
د پېښور زلمي کرکټ ټيم مالک جاوېد افريدي د خپل ټيم او پي اېس اېل په اړه د ډيوه خبريال فضل عزيز سره مرکه دلته اورېدی شئ ،
Your browser doesn’t support HTML5
ډيوه ريډيو سره د پېښور زلمي ټيم مالک جاوېد افريدي مرکه
پاکستان سُپر ليګ ( پي اېس اېل) کې پينځه ټيمونه شامل دي ، پېښورزلمي، کوئټه ګليډييټرز، کراچي کنګز، لاهور قلندرز او فېډرل وايپرز اسلام اباد.
د پاکستان لخوا په لمړي ځل دغه ټورنامنټ راجوړ شوی چې د راتلونکې مياشتې د ۴م نېټې نه پېل کيږي او ۲۳م باندې به يې فائنل وي .
د پي اېس ټول مېچونه به د متحده عرب اماراتو په دوبۍ او شارجه کې کيږي .