په شام کې د فعاله تُندروه ډلې داعش وسله والو د ملک د ختيزې سيمې نه لږ ترلږه ۴۰۰ عام ملکي وګړي تښتولي دي .
د شام په حالاتو نظر لرونکې برطانوي ادارې (سيرين ابزروېټري فارهيومن رائټس) ترمخه د خالي په ورځ د داعش وسله والو ختيز ښار ديرالزور باندې حمله کړې او په سلګونو کسان يې تښتولي دي .
د ادارې ترمخه د داعش وسله والو لخوا په تښتؤل شوؤ کسانو کې زنانه او ماشومان هم شامل دي ، او د ديرالزور لرې پرته علاقه البغاليه يې نيولې ده .
راپورونه وايي د وسله والو لخوا په دغه بريد کې ۱۳۵ کسان وژل شوي چې زياتره پکې د شام پوځيان دي .
ولې د شام سرکاري خبري ادارې (سانا) وئيلي په ديرالزور باندې د داعش په حمله کې د وژل شوؤ شمېره لږ ترلږه ۳۰۰ ده .
ولې په ازاده توګه د دغو خبرونو پخلی نه دی شوی .
د داعش وسله والو له دې وړاندې هم په شام او عراق کې د عامو ملکي وګړو قتل عام کړی دی .
په کال ۲۰۱۴م کې د شام په رقه ښار کې طبقه ائيربېس باندې د قبضې په مهال ۲۰۰ عسکر، او په هم دغه کال په ديرالزور کې په سلګونو شيعه قبائيل وژلي وو .