د اردن چارواکو ویلي امنیتي ځواکونو يې په کرک ښار کې د شوي وسله وال برید په ترڅ کې ګېر شوي سېلانیان خوشي کړي دي.
د اتوار په ورځ دغه برید کې ۱۴ کسان وژل شوي د پولیس او ملکي وګړو ترڅنګ پکې ۲۲ نور ژوبل شوي وو.
د اردن ټائمز ورځپاڼې ترمخه په وژل شوؤ کسانو کې یوه کېنېډايي ښځه او پينځه پولیس هم شامل دی او د څلورو کسانو پېژندګلو د ترهګرو په توګه شوې ده.
د راپور ترمخه د وژنو دغه پېښه د ملک په غرئیز ښار کې چرته چې ۷۰ زره خلک اوسيږي او د سېلانیانو خوښ ځای دی هلته رامنځته شوې ده. پولیس ویلي وسله وال کرک ښار ته د قطرانیح نه ورننوتي دي.
د برید زمه واري چا نه ده قبوله کړې او نه چارواکو په دغه اړوند څه ویلي یې دي چې د وسله والو په ګاونډي ملک شام کې د تُندروه ډلې سره کومې اړیکي دي.
منځني ختيځ کې باثباته ملک اردن د امریکا په مشرۍ شام او عراق کې د داعش په ضد هوايي بریدونو کې ائتلافي دی.