د افغانستان د بلخ ولايت (صوبې) چارواکو ويلي د خالي په ورځ ماسپخين طالبانو ۱۳ پاڅون کوونکي وژلي دي.
دا پېښه د بلخ د چمتال ولسوالۍ په نوشار کلي کې رامنځته شوې ده، د کلي خلکو ويلي دا ۱۳ کسان د حکومت په ملاتړ د طالبانو په ضد جنګېده او طالبانو د خالي په ماسپخين يو جومات کې وژلي دي.
د نوشار کلي يو اوسېدونکي عبدالصبور ويلي طالبانو اول دغه کسان بې وسلې کړي او بيا يې وژلي دي، هغه ويلي په دوي کې يو پخوانی ياد قوماندان هم شامل دی.
د صوبې د عامې روغتيا چارواکو پخلی کړی چې په ډزو د وژل شوؤ ۱۳ تنو مړي ابن سينا روغتون ته راوړل شوي دي.
راپورونه وايي، د طالبانو وياند ذبيح الله مجاهد د بريد زمه واري قبوله کړې او ویلي يې دي په چمتال کې يې په ملېشه بريد کړی دی.
هغه ادعا کړې د درېو کمانډرانو په ګډون يې د ځايي ملېشې ۱۲ تنه وژلي او يو ژوبل دی، هغه د وسلې ترلاسه کولو هم ويلي دي.
طالبان زياتره هم دغه ډول ادعاوې کوي.
ځينې راپورونو کې وېل شوي وژل شوي کسان ملکي وګړي دي خو د بلخ د ګورنر وياند منيراحمد فرهاد وایس اف امریکا ته ويلي وژل شوي کسان پاڅون کوونکي وو.
د سيمې څخه داسې خبرونه هم مخې ته راغلي چې وژل شوي کسان زیات دي خو د دې پخلی چا نه دی کړی.