د نوبېل جايزه ګټونکې ملاله يوسفزۍ ،د هغې پلار ضيا الدين يوسفزي او ورور خوشحال يوسفزي سوات ته په تګ د خپلو خوشحالو اظهار په ټولنيزو رسنیو کړی دی.
ملالې پاکستان ته د راتګ وروستو په لمړي ځل ټويټس کړي او هغه هم چې سوات ته تلې ده.
په خپل لمړي ټويټ کې ملالې د هوا نه اخستل شوي د سوات عکسونه خپاره کړي او ورته يې ليکلي دي،
"د ځمکې په سر زما دپاره تر ټولو ښائسته ځای سوات".
The most beautiful place on earth to me. #SwatValley #Pakistan pic.twitter.com/eC4uHPt1wt
— Malala (@Malala) March 31, 2018
ملالې په بل ټويټ کې د خپل کور په انګڼ کې د مور پلار او وروڼو سره يو ځای جوړ کړی عکس خپور کړی او ورته يې ليکلي دي،
"د خپل کور په ليدو ډېره خوشحاله شوم ډېر خوند مې واخستو، د دوستانو سره په ليدو او چې په خپله خاوره مې بيا قدم کېښودو".
So much joy seeing my family home, visiting friends and putting my feet on this soil again. #Home #Pakistan pic.twitter.com/B8VN5Odd27
— Malala (@Malala) March 31, 2018
ضياالدين يوسفزي په ټويټر د خپلې مور سره اخستی عکس خپور کړی چې ورسره نوموړي ليکلي،
"مور مې په خپله مورنۍ خاوره وينم".
Seeing my mother in my motherland. #Pakistan pic.twitter.com/T1QXbGajk4
— Ziauddin Yousafzai (@ZiauddinY) March 31, 2018
د ملالې ورور خوشحال يوسفزي د سوات د سفر په اړه په ټويټر ليکلي،
"زما د ژوند ښکلې ورځ، د پينځه نيم کاله انتظار وروستو بيرته په سوات کې په خپل کور کې، او دا وخت دا خوب نه دی، ډېر زيات خوشحاله يم".
Best day of my life. Been waiting to return to my home Swat for 5.5 years. And this time it wasn’t a dream😀, so so happy. pic.twitter.com/wXqGe95SXb
— Khushal Yousafzai (@Khushal_KY) March 31, 2018
۲۰ کلنه ملاله د خپلې کورنۍ سره پينځه نيم کاله وروستو پاکستان ته بيرته راغلې ده.
ملالې او کورنۍ یې پرون د شنبې په ورځ د سوات د سفر په مهال د خپلوانو سره هم ليدلي دي.
د نوبېل جايزه ګټونکې پاکستان ته د رارسېدو وروستو چې د وزیراعظم په ماڼۍ کې دستورې ته وېنا کوله، هغه وخت غرېو ونيوله چې کله يې ملک ته بيرته د راتلو خبره کوله.
په ملاله یوسفزۍ د کال ۲۰۱۲م د اکتوبر په نهمه نېټه هغه وخت طالبانو بريد کړی چې هغه د سکول نه د نورو ملګرو سره کور ته روانه وه.
د ملالې په سر ګولۍ لګېدلې او بيا د علاج دپاره برتانیې ته وړل شوې وه.
ملاله او کورنۍ يې اوس په برتانيه کې ژوند کوي او برتانيې ته د تلو وروستو دوي په لمړي ځل بيرته پاکستان ته د څلورو ورځو دپاره راغلي دي.