د افغانستان د پلازمينې کابل په شش درک سيمه کې په دوه ځانمرګو بريدونو کې د ای اېف پي خبري ادارې د عکاس (فوټرګرافر) په ګډون لږ ترلږه ۲۱ تنه وژل شوي او د ۲۷ نه سېوا نور ژوبل شوي دي.
د عامې روغتيا د وزارت چارواکو پخلی کړی چې د دغو چاؤدنو ۲۱ مړي د وزیراکبرخان روغتون ته وړل شوي دي.
ای اېف پي په ټويټر ليکلي چې د ادارې مشر عکاس شاه مرۍ وژل شوی دی، خبري ادارې ويلي هغه د هغو خبريالانو په ډله کې ؤ چې د لمړۍ چاؤډنې موقعې ته ور رسېدلي وو او د بلې چاؤدنې ښکار شو.
#UPDATE Agence France-Presse%27s chief photographer in Kabul, Shah Marai, has been killed.He died in a blast that was targeting a group of journalists who had rushed to the scene of a suicide attack in the Afghan capital pic.twitter.com/rOa4rg24x9
— AFP news agency (@AFP) April 30, 2018
د کابل په شش درک سيمه کې دغه بريد نن سهار په داسې حال کې شوی چې خلک خپلو دندو ته روان ؤ.
د کابل د پوليسو وياند حشمت ستانکزي ویلي يو ځانمرګی په موټر سائيکل راغلی چاؤدنه يې کړې او بل پسې په خپلو پښو راغلی او د پېښې ځای ته رسېدو خبريالانو څنګ ته یې ځانته چاؤدنه ورکړې ده.
رپوټونه وايي په شش درک کې دغه ځانمرګي بریدونه د ملي استخباراتي ادارې د ودانۍ او نورو وزارتونو د دفترو څنګ ته شوي دي.
په سمدستي ډول د بريدونو زمه واري چا نه ده منلې او د بريدونو په اړوند نور مالومات راروان دي.
کابل کې تازه بريدونه په داسې حال کې شوي چې تيره اوونۍ د ووټونو د نوم د ليکنې په دفتر ځانمرګي بريد کې ۶۰ تنه وژل شوي وو، داعش ډلې د دغې بريد زمه واري منلې وه.