د افغانستان ستوری اسپنر بالر راشد خان وايي د خپل هېواد افغانستان غوره ليګ (پريمئيرليګ) کرکټ سيالیو کې لوبېدو ته "ډېر لېواله يم".
افغانستان په لمړي ځل د پریمئيرليګ (ای پي اېل) سيالۍ کوئ.
راشد خان ويلي، "مونږ د افغانستان د غوره ليګ د لومړني پړاؤ څخه ډېر لرې نه يُو او زه په خپل ليګ کې د لوبېدو دپاره ډېر لېواله يم".
د افغانستان ستوری لوبغاړی راشد خان چې په کم عمر کې په نړۍ کې په يادو اسپنر بالرانو کې يې خپل نوم جوړ کړی، دا وخت د هند په په پريمئيرليګ سياليو کې د سنرايزر حېدر اباد لوبډلې سره لوبيږي.
د افغانستان غوره ليګ سيالۍ د روان کال اکتوبر د پينځمې نېټې څخه پېليږي، او دغه سیالۍ به په متحده عرب اماراتو کې وي.
Afghanistan Premier League (APL) will begin on 5th of October in UAE. The countdown starts as 150 days are left or Afghanistan%27s own T20 league.#APLT20 pic.twitter.com/3TN3iFw8QM
— Afghanistan Premier League (@APLT20official) May 8, 2018
د ای پي اېل په لومړي پړاؤ کې به پينځه لوبډلې برخه اخلي او ټولې به پکې ۲۳ لوبې کيږي چې د ۱۸ نه تر ۲۰ ورځو پورې به ترسره شي.
د افغانستان کرکټ بورډ د ای پي اېل په اړوند مالوماتو دپاره په فېس بک ځانله پاڼه جوړه کړې ده.
د ای پي اېل د يوې شخصي کمپنۍ سره د تړون لاسليک کولو په مهال د افغانستان د کرکټ بورډ مشر شکرالله عاطف مشعل ويلي ؤ،
" چې دغه لیګ به ددې لامل شي، چې افغان لوبغاړي د نړۍ له اتلو لوبغاړو سره د لوبېدو موقع پیدا کړي. او له بله پلوه به د افغانستان کرکټ بورډ ته یو عایداتي سرچینه وګرځي چې په پیل کې به یې کلنۍ کچه (۶ ) سوه زره امریکايي ډالر وي".
ښاغلي مشعل ويلي ؤ ، "په تېر مهال کې افغانان لیواله وو چې د هېواد لوبغاړي یې په کوم نړیوال لیګ کې ولوبیږي خو دا دی اوس یې خپل هیواد افغانستان د نړیوال لیګ څښتن شو".