د خېبرپښتونخوا ګورنر شاه فرمان د سکول او د کالج جينکو سره په خبرو کې وايي "چې ستاسو د لارې څنګه خله په خله خبرې کيږي دا به ستاسو سره شريکوي" د نوموړي په دغو خبرو د پرون راهسې په سوشل ميډيا ټوقې روانې دي.
ښايي شاه فرمان په خپلو خبرو کې مخ په مخ يا مخامخ خبرو ته "ماؤت ټو ماټ، خله په خله خبرې" په خله خبرې وايي.
نوموړي بيا د خپلو کړو خبرو سپيناوی په يو ټویټ کې کړی او وايي،
" د (ماؤت ټو ماؤټ) يا خله په خله خبرو مطلب دا دی چې د خپلوانو يا دوستانو د لارې کره مالومات په خلکو کې خواره کړې".
Mouth to mouth communication means spreading authentic information with public, through conversation with Friend & Family
— Shah Farman (@ShahFarman_PTI) September 30, 2018
خو د نوموړي په دغو خبرو پسې په سوشل میډيا ټوقې روانې دي چې شاه فرمان انګريزي جوړه کړې ده.
سلمٰی جعفر په ټويټر ليکلي،
"ګورنر خېبرپښتونخوا نوې انګريزي جوړئ، ځه خېر دی خو نوي شو".
Governor kp invents new english chalo something new pic.twitter.com/oPYetrOfpx
— salma jafar (@Chiltan) September 30, 2018
عمر ار قرېشي په ټویټر د شاه فرمان د خبرو ويډيو خپره کړې او ورسره یې ليکلي،
"که څوک ښاغلي ګورنر ته اووايي چې د ماؤت ټو ماؤت مطلب څه دی".
Someone please tell the honourable KP governor what the phrase %27mouth-to-mouth%27 means... pic.twitter.com/ZH6EtPz7Gh
— omar r quraishi (@omar_quraishi) September 30, 2018
ځينې کسانو بيا په سوشل ميډيا د ټوقو عکسونه خپاره کړي او ورته یې ليکلي چې د خله په خله خبرو مطلب په دې ډول کېدی شي.
دلشاد رضي رضي د شاه فرمان د عکس سره ليکلي (ماؤت ټو ماؤټ) او بل سره یې ليکلی (ائي ټو ائي).
"We will share mouth-to-mouth communication with you" Governor KP Shah Farman to girl students - hilarious#tabdeeli#NayaPakistan #shahfarman pic.twitter.com/KkMMBejyer
— دلشاد رضی (@Dilshad_razi) September 30, 2018
وصال يوسفزي يو عکس خپور کړی او ورته يې ليکلی،
"د خېبرپښتونخوا د ګورنر شاه فرمان نوې نظريه، ماؤت ټو ماؤت کميونيکېشن تهيوري".
The new theory of #KP #Governor @Shah Farman Mouth to mouth communication theory.. pic.twitter.com/nic75W3NSn
— wisal yousafzai (@WisalYousafzai) September 30, 2018
پرون د اتوار، يکشنبې په ورځ د خېبرپښتونخوا د ګورنر ماڼۍ د سکول او کالج د زده کوونکو جینکو دپاره پرانستل شوې او په دغه مهال ښاغلي ګورنر دولتي ميډیا سره په خبرو کې د خله په خله خبرو ويلي دي.
شاه فرمان په دوېم ځل د پاکستان تحریک انصاف ګوند نه د خېبرپښتونخوا د اسمبلۍ غړی منتخب شوی او په تېر حکومت کې په دوه وزارتونو هم پاتې شوی دی.