د پاکستان د سترې محکمې مشر قاضي ميا ثاقب نثار ويلي، "د احتساب عمل پېل شوی او اوس به د ټولو ججانو احتساب کیږي".
د ځايي ميډيا ترمخه مشر قاضي د ذيلي عدالتونو په اړوند د قضيې په اورېدنه کې ويلي، ستره عدالتي شورا (سپريم جوډيشل کونسل) فعاله ده، ججان ګاډي، بنګلې او اسانتياوې غواړي، خلک چغې وهي خو د چا سره فکر نشته.
نوموړي ويلي اوس چې کوم ججان کار نه کوي پرضد به يې کارروايي کيږي.
د سترې محکمې مشر قاضي دا څرګندونې په داسې حال کې کړي چې د سترې عدالتي شورا په سپارښتنه د اسلام اباد هايکورټ قاضي شوکت عزيز صدیقي د چوکۍ څخه لرې کړی شوی دی.
د عوامي نيشنل ګوند ميا افتخار حسېن ويلي،
"مونږ د ججانو انصاف هم منصفانه غواړو، په هیڅ صورت امتيازي او انتقامي نه ده پکار. چې ججانو ته هم انصاف نه شي ترلاسه، او د اسټبلشمنټ د خوشحالولو دپاره فېصلې کيږي، نو بيا به انصاف چاته مېلاويږي".
ھم ججز کا احتساب بھی منصفانہ چاھتے ہیں۔کسی بھی طور امتیازی اور انتقامی نہیں ہونا چاہیے۔ججز کو بھی انصاف نہ ملے اور اسٹبلیشمنٹ کو خوش کرنے کیلئے فیصلے کیے جائیں تو پھر کس کو انصاف ملیگا ؟ https://t.co/fhDgyKHTi7
— Mian Iftikhar Husain (@MianIftikharHus) October 12, 2018
د اسلام اباد هايکورټ جسټس شوکت عزيزصدیقي روان کال د جولایۍ په میاشت کې د پېنډۍ د وکيلانو يوې غونډې ته په وېنا کې تور لګولی ؤ چې ایي اېس ایي په عدالتونو کې د هېواد مهمو سیاسي مقدمو فېصلو په خپله خوښه بدلولو کې په پوره توګه فعاله ده.
هغه ويلي ؤ د استخباراتي ادارو چارواکي د سیاسي فیصلو لپاره په خپله خوښه عدالتي (ډلې) بنچونه جوړوي.
نوموړي تور لګولی ؤ د عدلیې نه ازادي اخستی شوې او هغه خلک یې قابو کوي د چا په لاس کې چې ټوپک دی. د نوموړي اشاره د پاکستان پوځ اړخ ته وه.
له دغې وروسته د پاکستان پوځ د سترې محکمې نه غوښتنه کړې وه چې په استخباراتي او امنيتي ادارو د لګول شوؤ تورونو پلټنې دې وکړي.
د سترې محکمې مشر قاضي بيا د صديقي د وېنا نوټس اخيستی ؤ.
تېره شپه صدر عارف علوي د جسټس صديقي د لرې کولو سپارښتنه لاسليک کړې ده.