پاکستان د سيکانو د روحاني مشر ګرونانک د ۵۵۰ کلیزې په تړاؤ د هند سره د کرتار پور پوله پرانيزي چې سيکان په اسانۍ سره د ګرونانک قبر ته راشي.
په ټولنیزو رسنيو ويل شوي چې د هند سره د کرتار پور راهداري جوړیږي دغه ډول اقدام دې بايد د افغانستان سره په پوله هم وشي او د افغانستان سره تړلې لارې دې پرانيستی شي.
کرتار پور پوله د پاکستان د پنجاب صوبې په ختيځ او هند د پنجاب رياست د ګورداسپور په شمالي لویديځ په ختيځ کې د دواړو هېوادونو ترمنځ پرته ده.
هند د دغه پولې د پرانستې په موخه پرون د ګل، دوشنبې په ورځ بنياد اېښودی او پاکستان سبا د شورو، چهارشنبې ورځ ټاکلې چې وزيراعظم عمران خان به د پولې د پرانستو د پروسې بنياد ږدي.
د باجوړ نه ژورنالسټ حسبان الله خان په فېس بک ليکلي،
"د کرتار پور د پولې پرانستو وروسته د پاکستان او افغانستان د باجوړ د غاخي پوله هم پرانستل پکار دي".
او د باجوړ يو بل خبريال بلال ياسر په ټويټر لیکلي،
تاسو د کرتارپور بارډر افتتاح له سکه راوستو مونږ به ورله هندو راولو خو چه دا غاخې پاس او نواپاس راته کولاؤ کۍ.#KartarpurBorderOpening#NavjotSinghSidhu pic.twitter.com/Gm13eH4ek5
— محمد بلال یاسر (@BilalYasirBjr) November 27, 2018
پښتنې فعالې ثنااعجاز په ټويټر ويلي،
"په کراچۍ کې د چين د سفارتخانې د بريد په مقدمه کې ښکاره د هند د استخباراتي ادارې (RAW) او (BLA) نومونه ليکل شوي خو د هغې باوجود د هند سره د کرتار پور د پولې پرانستو خبرې، خو بل لور ته د افغانستان سره پوله بنده او د نورې سختۍ منصوبې".
کراچی میں چین کے سفارتخانے پر حملے کی #FIR میں واضع طور پر انڈین ایجنسی RAW اور BLA کا نام مینش هے. اس کے باوجود انڈیا سے کرتار پور بارڈر کھولنے کی باتیں. جب کے دوسری طرف افعانستان سے بارڈ بند اور مزید سخت بنانے کی منصوبہ بندیاں. #دوقومی_نظریہ https://t.co/a1nXmg9hrI
— Sanna Ejaz(سیاله) (@sanaejaz2) November 26, 2018
پښتون پوهان او ليکوال خادم حسېن د کرتار پور د پولې پرانستل د افغانستان د پولې سره په دې ډول پرتله کړي دي.
"په سيمه کې د سولې دپاره د کرتار پور د راهدارۍ پرانسته د خوشحالۍ خبره ده، د ګاونډي هېوادونو ترمنځ د ګټې په اساس اړیکو جوړولو دپاره د دواړو هېوادونو د اولس ترمنځ د اړیکو سهولت کاري ده. د افغانستان په اړوند هم دا پاليسي ګټوره ګرځېدی شي".
خطےمیں امن کے لئے کرتارپور کوریڈور کا افتتاح ایک خوش آئند سنگ میل قرار دیا جا سکتا ہے۔ہمسایہ ممالک کےدرمیان منفعت بخش تجارتی تعلقات قائم کرنےکیلئےسب سے دیرپاراستہ دونوں ملکوں کے درمیان عوامی رابطوں کی سہولت کاری ہے۔افغانستان کے حوالے سے یہی پالیسی بہت منفعت بخش ثابت ہو سکتی ہے۔
— Khadim Hussain (@Khadimhussain4) November 25, 2018
پاکستان د افغانستان سره د تورخم اوچمن دوه غټې رسمې لارې لري د دې نه علاوه په جنوبي وزيرستان کې د انګور اډې، په شمالي وزيرستان کې د غلام خان او په کرمه کې د خرلاچي کاروباري لرې لري.
له دې نه علاوه د عام تګ راتګ دپاره په باجوړ کې د غاخي او نواپاس، په مومندو کې د ګوسړۍ (ګورسل)، په خېبر کې د شلمان او تيراه ترڅنګ په پوله پرتو نورو سيمو کې هم دغه ډول لارې چې د افغانستان سره به پرې تګ راتګ او تجارت کېدو، خو دا د تېرې اوږدې مودې نه په مستقله توګه بندې کړی شوي دي.