د پاکستان وزيراعظم عمران خان ويلي، چيف جسټس د پاناما مقدمې په فېصله اورولو د نوي پاکستان بنياد اېښودی ؤ.
په پاناما قضيه کې په کال ۲۰۱۷م کې د پاکستان مسلم ليګ (ن) د هغه وخت وزيراعظم نوازشريف نااهله کړی شوی او د چوکۍ څخه لرې کړی شوی ؤ.
د پاکستان تحریک انصاف انتخابي نعره وه نوی پاکستان به جوړوي.
عمران خان پرون د شورو، چهارشنبې په ورځ په اسلام اباد کې په (ملک کې سېوا کېدونکې ابادۍ پله د پاملرنې) د سرخط لاندې راجوړې غونډې ته په وېنا کې ویلي، چيف جسټس په پاناما مقدمه کې تاريخي فېصله اورولې او د نوي پاکستان بنياد يې اېښودی ؤ.
د سپريم کورټ په اډيټوريم راجوړې غونډې ته په وېنا کې عمران خان چيف جسټس میا ثاقب نثار ته په مخاطب کولو سره وويل، چې هغه (عمران خان) يې د تورن نه د مېلمه په حېث بللی دی.
د عمران خان د نوي پاکستان د بنياد اېښودو او د چيف جسټس مننې کولو ته په سوشل ميډيا غبرګون ويل شوی چې عمران خان په پاناما مقدمه کې د سياسي مخالف پرضد فېصله اورولو باندې د چيف جسټس مننه کړې.
دغه خبره ژورنالسټې او فعالې ماروي سرمد په ټیويټر ليکلې او ويلي يې دي هغه د موضوع (ابادۍ) په اړوند هيڅ نه دي ویلي.
In which PM @ImranKhanPTI not only talks about subnudice case against him, but also thanks Chief Justice for taking on his political rivals in Panama case.Keeping all judicial decorum aside, CJ was praising IK and vice versa.None of them spoke about the topic - population! https://t.co/R1cYLBtaw4
— Marvi Sirmed (@marvisirmed) December 5, 2018
صحرانورد په ټویټر د عمران خان د وېنا هغه برخه په ټويټر اچولې چې پکې خان د نوي پاکستان د بنياد اېښودو خبره کوي.
میں اسلئے آپ کا شکرگذار ھوں کہ جو آپ کےدورمیں پانامہ کیس کافیصلہ آیا اس نےنئے پاکستان کی بنیاد رکھی.عمران خان pic.twitter.com/2r7EZkSWIC
— صحرانورد (@Aadiiroy) December 5, 2018
په خپله وېنا کې عمران خان خپله هغه خبره بيا تکرار کړې چې تېرو حکومتونو د ملک دپاره هيڅ نه دي کړي.
دستورې ته چيف جسټس ميا ثاقب نثار او مولانا طارق جميل هم وېناوې کړي او د سېوا ابادۍ په اړوند او په ملک کې د اوبو د کموالي په موضوع يې خبرې کړي دي.
په ياده دستوره کې د څلورو واړو صوبو اعلی وزيرانو، د سپريم کورټ ججانو او وزيرانو ګډون کړی دی.