په پاکستان کې د کال ۲۰۱۹م د پوليو وړومبۍ پېښه په قبايلي ضلع باجوړ کې مخې ته راغلې ده، تېرکال په باجوړ کې د پوليو پينځه پېښې رپوټ شوې وې.
د خېبرپښتونخوا په قبايلي ضلع باجوړ کې د پوليو د تازه پېښې پخلی د پوليو د ختمون دپاره د وزیراعظم عمران خان ځانګړی ویاند بابر بن عطا کړی دی.
هغه دې خبر ته افسوسناک ويلي دي نوموړي په ټويټر ويلي،
"په باجوړ کې د پوليو وايرس له سببه په يو بل ماشوم کې د پوليو پخلی شوی دی، د باجوړ د خار تحصيل نه د کال ۲۰۱۹ د پاکستان د پولیو دا وړومبۍ پېښه ده".
افسوسناک خبر! باجوڑ میں پولیو وائرس کے باعث ایک اور بچے میں پولیو کی تصدیق ہوگئی۔باجوڑ کی تحصیل خار سے2019 کا پاکستان سے پہلا پولیو کیس سامنے آیا ہے،متاثرہ بچے کی عمر11ماہ ہے،باجوڑ سے پچھلے3ماہ میں6پولیو کیسز رپورٹ ہوئے.
— Babar Atta (@babarbinatta) February 2, 2019
عطا د پوليو وهلي ماشوم تفصيل ورکړی چې " د هغه عمر ۱۱ مياشتې دی" او زياته کړې يې ده د باجوړ څخه په تېرو درېو مياشتو کې د پوليو شپږ پېښې مخې ته راغلې.
هغه ويلي تېره اوونۍ په باجوړ ضلع کې د پولیو اووه کار کوونکي افسر د بې غورۍ له سببه د دندې څخه لرې کړی شوي دي.
هغه ويلي په کال ۲۰۱۷م کې د نورو ضلعو په څېر په باجوړ کې هم د پوليو يوه پېښه مخې ته نه وه راغلې او په دې خوشحاليانې شوې وې.
په پاکستان کې د پوليو د خاتمې د پروګرام د وېب پاڼې ترمخه تېر کال په پاکستان کې د پولیو ټولې ۱۲ پېښې مخې ته راغلې وې.
په يادو پېښو کې د خېبرپښتونخوا په اته پېښو کې پينځه په باجوړ، په خېبر، چارسده او لکي مروت کې يوه يوه پېښه مخې ته راغلې وه.
د بلوچستان په دوکۍ ضلع کې درې پېښې رپوټ شوې او د کراچۍ په ګډاپ ټاؤن کې هم يوه پېښه مخې ته راغلې وه.