د شمالي وزيرستان نه د قامي اسمبلۍ غړي او د پښتون ژغورنې غورځنګ مخکښ مشر محسن داړو ويلي، د قلعه سېف الله نه بهر پرې ډزې شوي خو دوي پکې روغ پاتې شوي دي.
نوموړي د شپې په مهال ناوخته په ټويټر ویلي،
"پوځي چارواکو د قلعه سېف الله نه بهر زمونږ په ګاډي ډزې وکړې،په ډزې زمونږ په ګاډي لګېدلي خو مونږ ټول پکې محفوظ پاتې شوي يُو".
A military official opened fire on our vehicle near the outskirts of Qila Saifullah, a bullet damaged our car but fortunately we are all safe.#Sharamnak
— Mohsin Dawar (@mjdawar) February 3, 2019
د يادې پېښې په اړوند په سوشل ميډيا ځينې ويډيو هم خپرې شوي او په دغو ويډيوز کې زيات شور اورېدل کيږي.
د پي ټي اېم يو غړي شهباز ستورياني ويلي، "د منظور پشتين، علي وزير، محسن داوړ او عبدالله ننګيال بټني په ګاډي ډزې شوي کله چې دوي د ارمان لوڼي د جنازې نه بيرته ستنېدل، ډزې په ګاډي لګيدلي او مشران پکې روغ پاتې شوي دي".
The security forces fired bullets on the car of @manzoorpashteen @Aliwazirna50 @mjdawar @a_baittani they r returning from funeral of Arman Loni. Due to bullets on side of vehicle is damaged but all the leaders r safe. @UNOCHA @UN_PGA @UNHumanRights @HRCP87 @a_siab @husainhaqqani
— Shah Baaz Stouryani (@Stouryani1) February 3, 2019
د يادې پېښې په اړوند په رسمي ډول پوځ او د بلوچستان حکومتي چارواکو په رسمي ډول څه نه دي ويلي.
ستوريانې د يادې پېښې څلور ساعته وروسته بيا ويلي، د پي ټي اېم مشران د ډېره اسماعيل خان درازنده علاقې ته په خېریت رسېدلي دي.
پرون د اتوار، يکشنبې په ورځ بلوچستان ته د تلو په مهال هم محسن داوړ ويلي ؤ چې دوي قلعه سېف ته د ارمان لوڼي جنازې ته د تلو په مهال په لار کې د خنډانو سره مخ شوي وو.
هغه تور لګولی ؤ چې پوليس، ليويز او اېف سي ځای په ځای دوي ودروي. وروسته دوي قلعه سېف الله ته د رسېدو ويلي ؤ.
ارمان لوڼی د خالي، شنبې په ورځ ناوخته د بلوچستان په لورالايي کې وژل شوی او د پي ټي اېم غړي تور لګوي چې لوڼی د پوليس په تشدد وژل شوی او پرون هغه په قلعه سېف الله کې خاورو ته سپارل شوی دی.
د ارمان لوڼي طبي معاينه (پوسټ مارټم) پرون شوې او ډاکټرانو ويلي، نن د ګل، دوشنبې په ورځ به دغه رپوټ راشي چې ارمان لوڼي څنګه وژل شوی يا مړ شوی دی.
د لورالايي پوليسو ويلي ارمان لوڼی د زړه د دورې نه مړ شوی دی.
د ځايي ميډيا ترمخه د بلوچستان صوبې وزيراعلی جام کمال د ارمان لوڼي د تورنې وژنې د پېښې نوټس اخيستی او په دوه ورځو کې يې د ژوب ډويژن د کمشنر نه د پېښې رپوټ غوښتی دی.