په پاکستان کې د کال ۲۰۱۹ د پولیو دوېمه پېښه په بنو کې مخې ته راغلې ده. څو ورځې وړاندې په باجوړ کې د روان کال لومړۍ پېښه رپوټ شوې وه.
د پوليو د ختمون دپاره د وزيراعظم ځانګړي وياند بابر بن عطا په بنو کې د پوليو د پېښې پخلی کړی دی.
بابر بن عطا په ټويټر ويلي دغه ماشوم چې پوليو وهلی مور و پلار يې هغه ته د پولیو ضد څاڅکو ورکولو نه انکار کړی ؤ.
بنوں پولیو کیس کی ابتدائی تحقیقاتی رپورٹ کے مطابق کیس کی وجہ والدین کا ویکسین سے انکار ہے، افسوس ہےکہ والدین کی انکار کی وجہ سے ایک اور بچہ پولیو کا شکار ہو گیا، انکاری والدین کو سوچنا پڑے گا کہ پولیو کے قطروں سے پوری دنیا بشمول مسلم ممالک نے پولیو خاتمہ کیا - pic.twitter.com/JAvonYmten
— Babar Atta (@babarbinatta) February 8, 2019
"د بنو د پوليو د پېښې د ابتدايي پلټنيز رپوټ ترمخه د ماشوم مور و پلار د څاڅکو ورکولو نه انکار کړی ؤ. افسوس دی چې د مور و پلار د انکار له سببه يو بل ماشوم د پولیو ښکار شو. انکاري مور و پلار ته سوچ کول پکار دي چې د پولیو د څاڅکو له سببه د ګردې نړۍ په شمول د مسلمانانو ملکونو څخه پوليو وايرس ختم کړی شوي دي".
هغه ويلي دغه ماشوم چې پوليو وهلی عمر يې دوه کاله دی.
په پاکستان کې د پوليو د خاتمې د پروګرام د وېب پاڼې ترمخه تېر کال په پاکستان کې د پولیو ټولې ۱۲ پېښې مخې ته راغلې وې.
په يادو پېښو کې د خېبرپښتونخوا په اته پېښو کې پينځه په باجوړ، په خېبر، چارسده او لکي مروت کې يوه يوه پېښه مخې ته راغلې وه.
د بلوچستان په دوکۍ ضلع کې درې پېښې رپوټ شوې او د کراچۍ په ګډاپ ټاؤن کې هم يوه پېښه مخې ته راغلې وه.