د افغان ولسمشر اشرف غني پروني ټویټ ته په پاکستان او افغانستان کې سیاستوالو، خبریالانو، د بشري حقونو فعالانو او عامو خلکو بېلابېلو غبرګونونه څرګند کړي دي.
د پیپلز ګوند پخواني سنېټر فرحت الله بابر لیکلي، چې د خپلو مرورو پښتنو ځوانانو ګیلې له پامه غورځول نور خلک دې ته هڅوي چې زموږ پر کورنیو چارو منفي نظر ورکړي. بابر په ټویټ کې لیکلي:
"زموږ په کورنیو چارو کې لاسوهنه د منلو وړ نه ده، خو بشري حقونو ته زموږ خپل سپکاوی هم د منلو وړ نه دی. په یاد ولرئ د بشري حقونو مسئله سرحدونه نه مني".
Disregarding grievances of disgruntled Pushtun youth encouraging others to comment negatively on our internal situation. Shocking. Interference in our internal matters unacceptable; but our own contempt for human rights also unacceptable. Remember human rights transcend borders
— Farhatullah Babar (@FarhatullahB) February 7, 2019
ولسمشر غني تېره ورځ پخپلو دوو ټویټونو کې اندېښنه څرګنده کړې وه، چې وایي په پښتونخوا او بلوچستان ایالت کې له ټولنیزو فعالانو سره- چې اشاره یې د پښتون ژغورنې غورځنګ پلویانو ته وه- د حکومت له خوا ناوړه چلند کېږي.
د پاکستان د بهرنیو چارو وزیر شاه محمود قرېشي او پاکستاني چارواکي د اشرف غني څرګندونو ته توند غبرګون څرګند کړ، خو ډېری پاکستاني سیاستوالو بیا پر شاه محمود قرېشي نیوکې کړې دي.
د پاکستان د پخوانۍ وزیراعظمې بې نظیر بوټو او پخواني ولسمشر آصف علي زرداري لور بختاور بوټو شاه محمود قرېشي ته په ځواب کې پوښتنه کړې او لیکلي یې دي:
"آیا پوښتنې زموږ ملتپالنې ته زیان رسوي او که د خپلو خلکو غیرقانوني نیول کېدل او غیرعدالتي وژنې؟".
Do questions hurt our patriotism or illegal arrests and killings of our own citizens? #PTM https://t.co/udNcwXoats
— Bakhtawar B-Zardari (@BakhtawarBZ) February 7, 2019
یوه پاکستاني خبریال حامد میر د ولسمشر اشرف غني اندېښنې ته په ځواب کې تور پورې کړی، چې وایي پاکستان هم پر دې خبره ژوره اندېښنه لري، چې افغان حکومت د داعش ډلې ملاتړ کوي. حامد میر په یوه بل ټویټ کې لیکلي:
"اشرف غني ته دا ور په یادول غواړم چې آیا د هغو افغان ماشومانو په اړه به هم د ټویټ کولو جرات وکړي، چې د ده امریکایي دوستانو و ووژل؟".
We Pakistanis have serious concerns about your secret support to ISIS we have evidence that your government is helping ISIS against your opponents you condemned the Moscow meeting because all the participants from Stanikzai to Karzai and Younas Qanooni to Zadran are anti-ISIS https://t.co/CfSNDu8Uvy
— Hamid Mir (@HamidMirPAK) February 7, 2019
په امریکا کې مېشت د سیاسي چارو څېړونکي ډاکټر محمد تقي د حامد میر په ځواب کې لیکلي، چې دعوه یې کړې، نو ثبوت دې هم وړاندې کړي. محمد تقي لیکلي:
"هیڅ یو عکس داسې ثبوت نه شي وړاندې کولای چې اشرف غني دې د داعش ډلې ملاتړ کړی وي".
No photos, show us the evidence against Dr #AshrafGhani hobnobbing with ISIS. You made the claim, now back it up @HamidMirPAK https://t.co/oJKmiikLst
— Mohammad Taqi (@mazdaki) February 8, 2019
په پېرس کې مېشت پاکستاني خبریال طٰحه صدیقي وایي، اشرف غني له خپلو پښتنو سره خواخوږي څرګنده کړې ده، "لکه پاکستان یې چې له مسلمانانو سره څرګندوي د ایغور له مسلمانانو پرته". طحه پر ټویټر لیکلي:
"ټولو پوهانو وسلې را اخیستې دي او وایي چې بهرنیان باید زموږ په کورنیو چارو کې لاسوهنه ونه کړي. هغه کورنۍ چارې چې موږ خپله ورباندې غلي یو".
Tweet abt #Pashtun suffering frm @ashrafghani, who is justifiably showing solidarity with fellow Pashtun (like Pak does with Muslims, except Uygurs!) & all intellechawals up in arms tht outsiders shudnt interfere in internal affairs. Internal affairs tht u%27ve remained silent abt? pic.twitter.com/GKWXLWK4bd
— Taha Siddiqui (@TahaSSiddiqui) February 7, 2019
د پښتنو د ملتپالو ګوندونو اکثرو پلویانو هم د ولسمشر غني د ټویټ هرکلی کړی دی. د بشري حقونو فعالې او سیاستوالې بشری ګوهر د اشرف غني مننه کړې او وایي دې اړتیا ده چې ځینې سیمه ییز مشران تل بشري حقونو ته لومړیتوب ورکړي.
د پاکستان له تحریک انصاف ګوند پرته د ځینو اپوزیشن ګوندونو مشرانو که د ولسمشر اشرف غني د ټویټونو په ښکاره ملاتړ نه دی کړی، خو د پاکستان اوسني حکومت ته یې ګوته نیولې، چې د خپلو خلکو له بشري حقونو سرغړونه ونه کړي.
ډېرو خلکو بیا پر ټولنیزو رسنیو په طنزه انداز لیکلي چې اشرف غني له افغانستانه دوه ټویټونه ولیکل، خو پاکستان داسې غبرګون ورته وښود لکه هغه چې توغندي ورته را توغولي وي.