د نړیوالې مالياتي ادارې (ايي اېم اېف) مشرې کرسټينا ليګارډې ويلي د پاکستان د وزيراعظم عمران خان سره یې ليدلي او هغه ته يې باور ورکړی چې اداره د پاکستان مرستې ته تیاره ده.
د نړيوالې مالياتي ادارې د مشرې سره عمران خان د اتوار، يکشنبې په ورځ په دوبۍ کې ليدلي دي.
عمران خان د نړیوالې مالياتي ادارې مشرې ته په پاکستان کې د غبن د ختمولو په ګډون په نورو برخو کې د اصلاحاتو کولو په اړوند احوال تېر کړی دی.
ايي اېم اېف ويلي، د پاکستان د وزيراعظم سره په ليدنه کې د پاکستان د اقتصادي ودې دپاره د ايي اېم اېف په پروګرام خبرې شوي دي.
په اقتصادي مشکلاتو کې ښکېل پاکستان تېر کال نړیوالې مالياتې ادارې ته د پور ويلي ؤ.
د نومبر په مياشت کې د نړيوالې ادارې پلاوي د پاکستان سفر کړی ؤ چې د پاکستاني چارواکو سره د پور په سر خبرې وکړي خو دغه خبرې بې د کومې نتيجې ختمې شوې وې.
پاکستاني چارواکو ويلي د ايي اېم اېف سره به یې خبرې روانې وي.
په سوشل ميډيا په عمران خان پسې خبرې کیږي چې هغه ويلي ؤ خودکشي به وکړم خو ايي اېم اېف ته به لاړ نه شم.
عمران نیازی کا ایک اور یوٹرنمیں خود کشی کر لوں گا لیکن آئی ایم ایف پاس نہیں جاوں گا pic.twitter.com/XglECiwiMd
— Zeshan Malik (@ZeshanMalick) February 10, 2019
عمران خان د اتوار په ورځ دوبۍ ته د نړيوال کانفرنس په غونډه کې ګډون له سفر کړی او د نړیوالې مالياتي ادارې د مشرې سره يې هلته ليدلي وو.
غونډې ته په وېنا کې نوموړي ویلي په پاکستان کې اصلاحات کول ګران دي خو اړين دي او حکومت يې اقتصادي اصلاحات کوي.