واشنګټن ډي سي: د افغانستان د سولې لپاره د امریکا ځانګړی استازی زلمي خلیلزاد وایي، د قطر په دوحه کې له طالبانو سره روانې خبرې ګټورې دي او زیاتوي چې مونږ د سولې پر لور ورو خو ځواکمن ګامونه اخلو.
(1/3) Emerging from three solid days of talks with the Taliban in #Doha. Meetings were productive. We continue to take slow, steady steps toward understanding and eventually #peace.
— U.S. Special Representative Zalmay Khalilzad (@US4AfghanPeace) February 28, 2019
خلیلزاد په خپل ټوېټر باندې دا هم لیکلي، چې په دوحه کې د سولې د خبرو له دوام سره په کابل کې هم د یو ملي ټیم د جوړولو په برخه کې پرمختګ شوی تر څو د افغانانو ترمنځ خبرو او بیا له طالبانو سره خبرو ته ورننوځي.
(3/3) As talks continue in Doha, there is also progress on forming a national team in #Kabul ready to engage in intra-Afghan dialogue and talks with the Taliban.
— U.S. Special Representative Zalmay Khalilzad (@US4AfghanPeace) February 28, 2019
خلیلزاد په خپل دریم ټویټ کې داهم لیکلي، چې په دوحه کې به دواړه غاړې په راتلونکو دوو ورځو کې په خپلو کې سره خبرې وکړي او د شنبې یا خالي په ورځ به بېرته سره راټول شي.
ښاغلي خلیلزاد دا هم لیکلي، څلور واړه مهمې مسلې د خبرو د مېز پر سر پرتې دي.
(2/3) Both sides will take the next two days for internal deliberations, with plans to regroup on Saturday. All four key issues remain on the table.
— U.S. Special Representative Zalmay Khalilzad (@US4AfghanPeace) February 28, 2019
په دغو مسلو کې له افغانستان څخه د بهرنیو ځواکونو وتل، له القاعدې شبکې سره د طالبانو د اړیکو پرې کول، له افغان حکومت سره د طالبانو مخامخ خبرې او په افغانستان کې د اوربند مسله شامله ده.
د طالبانو ویاند ویلي، د دواړو خواوو تخنیکي ډلې به اوس په جلا خبرو کې له افغانستان څخه د ټولو امریکايي ځواکونو د وتلو پر مسلې کار وکړي.
د طالبانو د مذاکره کونکي ډلې ویاند سهیل شاهین وویل، له امریکايي مذاکره کونکو سره خبرې ښې وې او دوی سم لوري ته روان دي.
"مونږ دوه مهمې مسلې لرو. له افغانستان څخه د ټولو بهرنیو ځواکونو وتل راته یو بنسټیزه مسله ده او امریکايي لوري ته دا ډېره مهمه مسله ده چې د افغانستان خاوره به د امریکایانو او د هغوی د متحدینو پرضد نه کارول کېږي."
په قطر کې د امریکایانو او طالب استازو ترمنځ د تېر اوړي راهیسې کله چې واشنګټن له طالبانو سره نېغ په نېغه خبرې پیل کړې، دا پنځم ځل خبرې دي.
امریکا وایي، دغه خبرې ددې لپاره کېږي چې د افغانانو ترمنځ خپل منځي خبرو ته لاړه هواره شي.
په افغانستان کې د سولې روانې خبرې په داسې حال کې ترسره کېږي چې د ملګروملتونو په یو راپور کې، چې ددې اونۍ په سر کې خپور شوی راغلي دي، چې تېر کال له جګړو سره د تړلو پېښو له امله په افغانستان کې تقریبا ۴۰۰۰ ملکي وګړي وژل شوي دي.