واشنګټن ـــــ د زرګونو جبري بې درکه کسانو موضوع ته په اشارې د پاکستان د پوځ ویاند مېجر جنرل آصف غفور وایي، پوځ د بې درکه کسانو د کورنیو په درد ور شریک دی او د هغوی په موندلو کې ورسره ملګری دی.
آصف غفور د جمعې په ورځ پر خپل شخصي ټویټر اکاونټ په یوه ټویټ کې د جبري بې درکه کسانو له کورنیو سره خواخوږي څرګنده کړې او هغوی ته یې په دې برخه کې د مرستې ډاډ ورکړی. آصف غفور لیکلي:
"زموږ زړونه د هر ورک تن له کورنۍ سره درزېږي، موږ د دوی په درد ور شریک یو او په موندلو کې له دوی سره یو".
Our hearts beat with families of every missing person. We share their pain and we are with them in the process of tracing them. Thousands of soldiers have laid lives for security of fellow Pakistanis. Can’t harm anyone. Let none exploit the issue on whatever context. With you.
— Asif Ghafoor (@peaceforchange) May 9, 2019
د آصف غفور ټویټ ته په ځواب کې ډېرو کسانو هغه ستایلی خو ګڼو کسانو بیا ورته سخت غبرګون څرګند کړی او حیراني یې څرګنده کړې چې د پوځ زړه څنګه پر بې درکه خلکو دردېږي ځکه چې د دوی په وینا بې درکه خلک پوځ وړي او له پوځ سره بندیان دي.
د پاکستان ټولنیز فعال احمد وقاص ګورایا- چې یو وخت پخپله بې درکه وو او وایي پوځ وړی وو- آصف غفور ته په ځواب کې پوښتنه کړې، وایي "دا څنګه ممکنه ده چې ستاسې زړونه دې په بې درکه کسانو و دردېږي". ګوریا لیکلي:
"څنګه یو تښتوونکی [د بې درکه کسانو] درد محسوسولای شي؟ که چېرې تاسې انساني درد لرلای د آرمي له اذیت خانو به مو د ترهګرۍ ښکار خلکو د خوشي کېدو امر کړی وای".
How is that even possible? How can an abductor feel the pain? If there is anything human left somewhere, you would have ordered release of those victims of terror from torture cells of Army. The people are in torture cells operated and protected by Pak Army.
— Ahmad Waqass Goraya (@AWGoraya) May 10, 2019
آصف غفور د چا نوم نه دی اخیستی خو وایي چاته اجازه مه ورکوئ چې د [بې درکه کسانو] له موضوع په څه نه څه تناظر کې ناوړه ګټه واخلي.
د پوځ ویاند په داسې وخت کې دا خبرې کړې چې نن په کراچۍ کې د بې درکه شیعه ګانو د موندنې لپاره له لسو ورځو روان احتجاجي پرلت د 19 بې درکه کسانو له موندنې سره پای ته رسېدلی او چارواکو ډاډ ورکړی چې نور بې درکه کسان به هم پیدا کړي.
د پاکستان یو بل ټولنیز فعال جبران ناصر د بې درکو خلکو په اړه د آصف غفور څرګندونې د بې درکه خلکو د کورنیو او نورو فعالینو د را پاڅېدلو او احتجاجونو اغېز بللی. جبران ناصر پر ټویټر لیکلي:
"د شیعه بې درکه کسانو پرلت ته سلام کوم، وګورئ که په پاکستان کې د ټولو بې درکه کسانو تحریکونه پر یوه ایجنډا سره را غونډ شي او د دې غیرآییني عمل په ضد و درېږي، کېدای شي په پاکستان کې د خلکو د بې درکه کېدو لړۍ و درېږي".
Power of organized mobilization. Salute to organizers of #ShiaMissingPersons Dharna. Imagine if all missing persons movements in Pakistan unite on a common minimum agenda against this unconstitutional practice we may be able to see it end in Pakistan soon. https://t.co/aKsOxdIHR4
— M. Jibran Nasir (@MJibranNasir) May 10, 2019
په پاکستان کې د بشري حقونو ډلې د مدني ټولنو فعالین، د بې درکه بلوڅانو کورنۍ او د پښتون ژغورنې غورځنګ څو واره تور پورې کړی چې د پاکستان د پوځي ادارو چارواکي مخالفین په زور بې درکه کوي او زیاتوي چې دغه کسان یا په پوځي بندیخانو کې پټ بندیان دي او یا ځینې وژل شوي دي.
د پاکستان پوځي چارواکو دا ډول تورونه تل رد کړي، خو د بشري حقونو فعالین د پوځ په انکار ډاډه نه ښکاري.