د پاکستان پيپلز ګوند مشر بلاول بټو زرداري د پاکستان تحریک انصاف ګوند د حکومت مخالفه ګوندونه په روژه ماتي بللي چې د راتلونکې دپاره تګلاره جوړه کړي.
د پيپلز ګوند لخوا نن د اتوار، دوشنبې په ورځ په اسلام اباد کې په زرداري هاؤس کې غونډه جوړه شوې ده.
د پيپلز ګوند فرحت الله بابر ويلي دا ناسته کومه رسمي ايجنډا نه لري، د مخالفه ګوندونو د مشرانو يوه ناسته ده.
ډان ورځپاڼې د بابر د قوله ويلي د سياسي خلکو په ليدنه کې سياسي بحث کيږي او زياته کړې يې ده دې ته د مخالفه ګوندونو غټه ناسته ویلی شي او په نزدې راتلونکې کې د يوې رسمي ناستې دپاره لمړی قدم کېدی شي.
ويل شوي بلاول بټو زرداري د مسلم ليګ ن ګوند نايب صدر او د پخواني وزيراعظم نوازشریف لور مريم نواز ته په ټيليفون په خپله د روژه ماتي بلنه ورکړې ده.
مسلم ليګ ن ګوند پخلی کړی چې پخوانی وزیراعظم شاهد خاقان عباسي او مريم نواز سره به د ګوند شپږ تنه په روژه ماتي کې ګډون کوي.
پاکستان پیپلز پارٹی کے چیئرمین بلاول بھٹو زرداری کے افطار ڈنر میں پاکستان مسلم لیگ ن کے چھ رہنما شرکت کریں گےان رہنماؤں میں سابق وزیراعظم شاہد خاقان عباسی،حمزہ شہباز ،مریم نواز ،سینیٹر پرویز رشید، سردار ایاز صادق اور مریم اورنگزیب ، شامل ہیں۔
— PML(N) (@pmln_org) May 19, 2019
پيپلز ګوند د جمعيت علما اسلام ف مشر مولانا فضل الرحمان، د عوامي نيشنل ګوند مشر اسفنديار ولي خان، د پښتونخوا ملي عوامي ګوند مشر محمود خان اڅکزي، د بلوچستان نيشنل پارټي مېنګل مشر اختر مېنګل، د جماعت اسلامي مشر سراج الحق او قومي وطن پارتۍ مشر افتاب شېرپاؤ ته بلنه ورکړې ده.
پيپلز ګوند دا غونډه په داسې حال کې رابللې چې د حکومت مخالفه ګوندونه د عمران خان په وزیراعظمۍ د تحریک انصاف ګوند په حکومت سختې نيوکې کوي چې په ملک کې يې ډېره ګراني جوړه کړې او د ملک چلولو قابليت نه لري.
دغه ډول مخالفه ګوندونه د حکومت نه غوښتنه کوي چې د نړيوالې مالياتي ادارې (ايي اېم اېف) سره یې د قرضې اخیستو په سر کوم شرطونه منلي هغه دې پارليمان او ولس ته وړاندې کړي.
ويل کیږي مخالفه ګوندونه د اختر نه وروسته د حکومت پرضد په احتجاج لاس پورې کوي، مولانا فضل الرحمان اسلام اباد پله د لانګ مارچ کولو ويلي او مسلم ليګ ن ګوند به سبا د ګل، دوشنبې په ورځ د ګوند په کچ خپله فېصله وکړي.
ځينې راپورونه وايي پيپلز ګوند د حکومت مخالفه تحریک چلولو دپاره د خپلمنځی اختلاف سره مخ ده ځينې مشران يې وايي په پارلیمان کې دننه احتجاج پکار دی او ځينې وايي ولس دې په سړکونو را وويستل شي.
د پاکستان تحریک انصاف ګوند د حکومت د وزيراعظم د اطلاعاتو مشاورې د پيپلز ګوند د ننۍ غونډې راجوړېدو په غبرګون کې ويلي،
د کوم اولاد دپاره چې مال راټول کړی شوی د هغې نه ګټې اخيستونکي نن د دغه مال د ساتنې دپاره په تګلاره غور کوي. دوي ته د پاکستان د ولس هيڅ درد نشته. نن دوي په روژه ماتي يواځې په بهر ملکونو کې د خپل مال خوندي کولو او اومني ګروپ د باب ساتنې په پلان سوچ کوي.
جس اولاد کے لیے مال پانی اکٹھا کیا گیا وہ بینیفیشریز لوٹ کے مال کو تحفظ دینے کے لیے لاحہ عمل پر غور کریں گے۔ انہیں پاکستان کے عوام کا نہ کوئی دکھ ہے نہ درد، آج افطار پر صرف اپنی بیرون ملک دولت کو ٹھکانے لگانے اور اومنی گروپ کے باب کو تحفظ دینے کی ترکیب سوچیں گے۔
— Firdous Ashiq Awan (@Dr_FirdousPTI) May 19, 2019