د پاکستان تحريک انصاف ګوند مرکزي حکومت د تېلو بيعې يو ځل بيا سېوا کړي او يو ليټر پټرول څلور روپۍ او ۲۶ پېسې ګران کړی شوي دي.
د پټرولو په بيعه کې د سېوا والي سره د يو ليټر پټرولو بيعه ۱۱۲ روپۍ او ۶۸ پېسو ته رسېدلې ده.
هايي سپيډ ډيزل ۱۲۶ روپۍ او ۸۲ پېسو، لايټ ډيزل ۸۸ روپۍ ۶۲ پېسې د خارو تېل د ۸۶ روپو ۹۴ پېسو نه ۹۴ روپو ۴۹ پېسو ته ختلي دي.
تېره مياشت د پاکستان د اقتصادي همغږۍ کمېټۍ د تېلو او ګېس د نظم ادارې (اوګرا) په سپارښتنه د يو ليټر پټرولو نورو نهه روپو او ۳۵ پېسو ګرانولو منظوري ورکړې ده.
تېر کال چې د پاکستان تحریک انصاف ګوند حکومت راغلو هغه وخت د يو ليټر پټرولو بيعه ۹۵ روپۍ او ۲۴ پېسې وه.
مخالفه ګوندونو د تېلو په بيعو سېوا کولو د تحريک انصاف په حکومت سختې نیوکې کړي دي.
د مسلم ليګ ن د پنجاب په اسمبلۍ کې د اپوزيشن مشر حمزه شهباز ویلي،
معاشي ترهګرو ملک او ولس يرغمال کړي دي د عمران نيازي اصليت ښکار شوی او د ښېګړې په نوم چې د ولس سره کومه دوکه شوې هغه ښکاره شوه.
معاشی دھشت گردوں نے ملک اور عوام کو یرغمال بنایا ہوا عمران نیازی کی اصلیت قوم کے سامنے کھل کر آچکی ہےریلیف کے نام پر قوم کو جو دھوکہ دیا گیا، وہ بے نقاب ہو رہا ہے عوام سے ریلیف چھین کر ان کو مہنگائی کے عذاب میں مبتلا کرنے والوں کا یوم حساب قریب ہے
— PML(N) (@pmln_org) June 1, 2019
د پاکستان پيپلز ګوند نفيسه شاه ويلي د تېلو بيعې شپه په شپه سېوا کول د ولس په جېب ډاکه اچول دي دا حکومت د ولس نه وينه اوباسي.
په سوشل ميډيا هم په حکومت سختې نيوکې شوي چې د اختر نه وړاندې يې د خلکو نه خوشحالۍ وتروړلې او د ارزانۍ په ځای يې پرې ګراني راوسته.
طلحه نومې تن په ټويټر ویلي،
ستاسو د ښکلي وزيراعظم عمران خان د طرفه ستاسو دپاره د اختر ډالې، بس تاسو مه ويريږئ، د اختر ځانګړی پېکج
آپکے اپنے ہینڈسم وزیراعظم @ImranKhanPTI کی طرف سے آپکے لیے عید کا تحفہبس آپ نے گھبرانا نہیں ہےعید کا خصوصی پیکج:پٹرول قیمت اضافہ: 4.26 روپےہائی سپیڈ ڈیزل اضافہ: 4.50 روپےکیروسین اضافہ: 1.69 روپےلائٹ ڈیزل اضافہ: 1.68 روپے #PetrolPrice #PetrolBomb pic.twitter.com/EAg8DYbaSX
— Talha (@talhaa92) May 31, 2019
عمران دهمړا ویلي،
د تبديلۍ خواهشمندو او د پي ټي ايي ووټرانو شرم خو به درځي، اوس هم مه ويريږئ.
تبدیلی کے خواہش مندوں اور پی ٹی آء کے ووٹرز کو شرم تو آ رہی ہوگی. ابھی بھی نہیں گھبرانہ#petrolbomb pic.twitter.com/2d8NiMIpCn
— Imran Dhamrah (@ImranDhamrahPPP) May 31, 2019