د افغانستان سره په پوله پرتې د پاکستان په قبايلي ضلعې شمالي وزيرستان کې ځايي خلک وايي په خړکمر علاقه کې د لسو ورځو راهسې ګرځبنديز په ځای دی.
د پرون خالي، شنبې د ورځې راهسې په سوشل ميډيا په شمالي وزيرستان کې د ګرځبنديز يا کرفیو د ختمولو دپاره کمپاين پېل شوی دی.
د پښتون ژغورنې غورځنګ (پي ټي اېم) مشر منظور پشتين پرون په ټويټر ويلي،
"په شنه خوړه او خړ کمر کې اوس هم کرفیو ده. ملګري ملتونه په سيمه کې د خوراک د کموت خبر واخلي. ځايي خلک د پوځ دغه فشار ردوي چې د علي وزير او محسن داوړ پرضد ويډيوبيان ورکړي. کرفيو او د چيکونو ودرول دوي ته سزا ورکول کيږي".
There is still curfew from Shna Khwara to Khar Qamar. @UN shld notice severe shortage of food in the area. Locals are resisting Pak army pressure to give video testimony against @Aliwazirna50 & @mjdawar for #KharQamarMassacre. Curfew & suspension of relief cheques are punishments pic.twitter.com/z1BeNB1dR4
— Manzoor Pashteen (@manzoorpashteen) June 15, 2019
د پيپلز ګوند مشر فرحت الله بابر په ټويټر ويلي،
"اول ۱۳ کسان په نېغو ډزو کې ووژل شو، اوس د ګرځبنديز او لوږې د لارې خلک وژني".
Earlier 13 people were killed in straight firing. Now people being killed through slow starvation, thru curfew. #EndCurfewInNorthWaziristan https://t.co/y7mRmcOorj
— Farhatullah Babar (@FarhatullahB) June 15, 2019
د عوامي نيشنل ګوند د خېبرپښتونخوا جنرل سيکرټري سردار بابک ويلي،
"سپريم کورټ ته خواست کولی شي چې په وزيرستان کې د روانې کرفیو له امله انسانان مري او د نورو مړينو اندېښنه ده. د صوبايي حکومت د غفلت او بې پروايۍ پرضد دې خپل ځاني نوټس واخيستل شي".
سپریم کورٹ سے اپیل کیجاتی ھے کہ وزیرستان میں جاری کرفیو کیوجہ سے قیمتی انسانی جانیں ضایع اور مزید اموات کا خدشہ ھے ـصوبای حکومت کی غفلت اور لاپروائ کیحلاف سو موٹو ایکشن لی جاے ـ
— Sardar Hussain Babak (@babaksardar) June 15, 2019
په سيمه کې د جمعيت اسلام ف ډلې يو مشر خالد جان داوړ په فېس بک ليکلي، "د تازه مالوماتو ترمخه په شمالي وزيرستان کې د کرفيو له په لنډ سېد اباد کلي کې دوه ماشومان مړه شوي دي".
له دې وړاندې نوموړي ويلي، د دته خېلو په شنه خوړه کې د کرفيو له امله په يو کور کې درې ماشومان د لوې او تندې نه مړه شوي دي.
شمالي وزيرستان په خړ کمر علاقه کې لس ورځې وړاندې د سړک غاړې په ښخ بمي چاؤدنه کې درې پوځي افسران او يو سرتېري وژل شوي او څلور نور ژوبل شوي وو.
د شمالي وزيرستان خړ کمر هغه علاقه چرته چې پوځ ویلي ؤ د يادې پېښې نه څو ورځې وړاندې په علاقه کې د لټون په عملياتو کې څو مشکوک کسان نيول شوي او د پوځ په وېنا په تېره يوه مياشت کې په دغه سیمه کې د تازه پېښې د وژل شوؤ په ګډون لس سرتيري وژل شوي او ۳۵ نور ژوبل شوي وو.
په سيمه کې د پېښې رامنځته کېدو وروسته ګرځبنديز لګول شوی دی، د تازه ګرځبنديز په اړوند ځايي انتظاميه د څه ويلو نه ډډه کوي او ځايي خلک وايي اېف سي ځواک دوي ته ځواب کوي چې ګرځبندیز پوځ لګولی دی.
خو د پاکستان پوځ په رسمي ډول د دغه ګرځبنديز په اړوند څه نه دي ويلي.