د پاکستان پوځ ويلي په لاين اف کنټرول د هند د پوځيانو په ډزو کې د پرون راهسې څلور پاکستاني سرتيري وژل شوي دي.
د پاکستان پوځ د خپلو درې پوځي سرتېرو د وژنې خبر پرون د زيارت، پنجشنبې په ورځ او د يو بل سپاهي د وژنې خبر نن د جمعې په سهار ورکړی دی.
په ټویټر د پاکستان پوځ ويلي د پاکستان پوځ په لاين اف کنټرول په ځوابي عملياتو کې د هند پينځه عسکر هم وژلي او څو نور ژوبل کړي دي.
In efforts to divert attention from precarious situation in IOJ&K,Indian Army increases firing along LOC.3 Pakistani soldiers embraced shahadat. Pakistan Army responded effectively. 5 Indian soldiers killed, many injured, bunkers damaged. Intermittent exchange of fire continues. pic.twitter.com/wx1RoYdiKE
— DG ISPR (@OfficialDGISPR) August 15, 2019
هندي رسنيو د خپل پوځ له قوله دغه خبر رد کړی چې په لاين اف کنټرول په ډزو کې پينځه هندي سرتيري وژل شوي دي.
د هند پوځ ويلي په نوګام او کرشنا ګاټي سېکټر باندې د پاکستان پوځ په پوله د اوربند سرغړونه کړې ده او په ځوابي عملياتو کې يې درې پوځيان وژل شوي دي.
د پاکستان پوځ نن سهار ويلي د لاين اف کنټرول سره په بټل سېکټر د هندي پوځ په ډزو کې سپاهي محمد شيراز وژل شوی دی.
Another brave son of soil laid his life in the line of duty. Sepoy Muhammad Sheeraz embraced shahadat due to Indian firing in Buttal Sector along LOC. pic.twitter.com/BAozVnsuGY
— DG ISPR (@OfficialDGISPR) August 16, 2019
د پاکستان او هند لخوا په یو بل تورونه لګي چې په پوله د اوربند سرغړونه کوي او دواړه هېوادونه دغه تورونه ردوي.
په لاین اف کنټرول د دواړو هېوادونو د پوځيانو د وژنو او اوربند د سرغړونو خبرونه په داسې حال کې مخې ته راغلي چې هند د روانې مياشتې په سر کې د خپلې ولقې لاندې کشمير خصوصي حيثيت ختم کړی او پاکستان يې غندنه کړې او يو اړخيزه ګام يې ورته ویلي دي.
راپوورنه وايي د هند لخوا د کشمير د خصوصي حيثيت ختمولو وروسته په سيمه کې انټرنېټ او موبايل سروس بند کړی شوی او هند نور پوځي سرتيري علاقې ته لېږلي دي.