شپاړسم دسمبر دنړۍ په تاریخ کې هغه توره دبربریت ډکه ورځ ده چې په دې ورځ انسانیت د وحشت مخې ته ځوړند سر اؤ شرمسار ولاړ ؤ.
په دې خونړي سحر ترهګرو پېښور کې په ارمي پبلک سکول برید کړی ؤ تر۱۵۰ پورې دسکول تنکي ماشومان،دهغوئ استاذان اؤ دمکتب نور مامورین یې وژلي وؤ.
دنړۍ په تاریخ کې دا تر ټولو خونړۍ پېښه ګڼل کیږي چې دعلم اؤ انسانیت دښمنانو پکې په یوه ورځ دعلم په یو مرکز کې دومره زیات ماشومان وژلي وؤ چې دلاشونو یا مړو په راټولولو یې خلک ستړي شوي وؤ .
دطالبانو دتحریک ویاند احسان الله احسان له دغو ۱۵۰ؤ ماشومانو له وژل کیدو وروسته ډیر په سپین سترګۍ سره ددې برید پړه پرغاړه اخستې وه،اؤ دغه طالب ویاند چې نن دپاکستان د پوځ په ولکه کې دی،تر اوسه ورته نه خو څه سزا ورکړل شوې ده اؤ نه پرې په رسمي توګه څه مقدمه چلېدلې ده.
نن ددې پېښې پنځم کال پوره شو خو په دغه پېښه کې د وژل شوؤ ماشومانو دکورنیو د زړه زخمونه هماغسې تازه دي.
هغوئ دا هم وایي چې دخپلو ګلالو ماشومانو په بې دردۍ سره په دوړیدنه خو په زړونو سوري شوي خو ددې تنکیو ګلانو د وینو سره انصاف نه کیدلو نور هم په زړونو داغلي اؤ ناهیلي کړي دي.
په ننۍ ورځ نه یوازې ګرد پاکستان بلکې د نړۍ یو شمیر هیوادونو کې هم دای پي ایس دماشومانو یادؤنه کیږي اؤ په دې لړ کې د دستورو اؤ سیمینارو راجوړیدو ترڅنګ په میډیا اؤ ټولنیزو رسنیو هم ددې پېښې په اړه بحثونه کیږي.
په ټوئټر دا خونړۍ ورځ د تورې ورځې په نوم د سرموضوع جوړه شوې اؤ په زرګونو فعالینو که دغه پېښه کې د وژل شوؤ ماشومانو له غم ډک عکسونه خپاره کړي نو ځېنو نورې به پوښتنې راولاړې کړي چې ولې تراوسه ددې ماشومانو د وینو سره انصاف ونه شو؟
5 years on from APS attack and the parents of the martyred students still demand justice. Its a travesty that the APS commission report hasn’t been released. It is a failure of the state that justice has not been served. Its inexcusable that the NAP still isnt implemented 1/2
— BilawalBhuttoZardari (@BBhuttoZardari) December 16, 2019
دپاکستان پیپلز ګوند مشر بلاول بوټو زرداري په ټوئټر لیکلي په ای پي ایس د برید پینځه کاله وروسته هم دغه پېښه کې د وژل شوؤ ماشومانو والدین دانصاف غوښتنې کوي،
هغه وایي دا یو ستره المیه ده چې ددې پېښې د پلټنو راپور مخې ته را نه وړل شو اؤ دا د ریاست ناکامي ده
#BlackDay They are not just pictures they were dreams they were not just numbers they had families, the relentless cold December 16 was the date when these dreams were shattered can%27t write more ,words are hollow as always and aftr 5 years the families still awaits justice pic.twitter.com/kZAzRn1vT0
— Palwasha Abbas (@Palwasha_Abbas) December 16, 2019
پلوشه عباس په ټوئتر ارمي پبلک سکول کې د وژل شوؤ ماشومانو عکسونه خپاره کړي اؤ ورته یې لیکلي “دا یوازې عکسونه نه دي،دوئ خوبونه وؤ، دا یوازې یوه شمیره نه ده چې کورنۍ یې درلودې، د۱۶م دسمبر سخته یخني هغه تاریخ وؤ چې دا خوبونه پکې تالا والا شوي وؤ. هغه وایي چې پینځه کاله وروسته هم ددې ماشومانو کورنۍ دانصاف په تمه ناستې دي”
د پېښور په سکول شوي دې برید کې فضل خان ایډوکیټ خپل ماشوم ځوئ دلاسه ورکړی ؤ اؤ هغه ددې پېښې دپلټنو دپاره دعدالت دروازه هم وخت په وخت ټکولې ده اؤ احتجاجونه یې هم کړي دي خو هغه تر ننه مایوسه دی چې د ځوئ د وینو سره یې انصاف نه دی شوی.
هغه دطالبانو د ویاند احسان الله احسان پوځ سره په موجودیت هم ګیله من دی اؤ په ټوئټر یې پوښتنه کړې ده چې ایا احسان الله احسان دومره ستره اثاثه ده چې دپېښور دماشومانو د وژنې دجرم منلو باوجود ورته تحفظ ورکول کیږي؟
کیا احسان اللہ احسان اتنا بڑا اثاثہ ہے کہ پشاور کے بچوں کو مارنے کا جرم ماننے کے باوجود بھی اسے تحفظ فراہم کیا جا رہا ہے@GulBukhari@AWGoraya@ManzoorPashteen@kochaiAfghaan #StopHostingAPSKillers
— Fazal khan Advocate (@FazalAdvocate4) December 15, 2019
له دې خونړۍ پېښې وروسته ګڼو خلکو دپوځ اؤ ریاست په کردار ټکونه هم کړي دي اؤ شکونه هم چې ولې یې تر وسه ددې پېښې پلټنې مخې ته رانه وړې اؤ څنګه د دومره سترې پېښې دشنډولو دپاره پوځ اؤ استخباراتي ادارو په وخت خپل کردار ادا نه کړل شو؟
خو دپاکستانپوځ هم په ننۍ ورځ په دې خونړۍ پېښه خفګان ښکاره کړی اؤ دپوځ سرلښکر جنرال قمر باجوه په ټوئټر ویلي چې دای پی ایس پېښه به هیڅکله هیره نه کړل شي،
پوځ سپیناوی کړی چې په دغه پېښه کې ککړ پینځه ترهګر د پوځي محکمو دلارې تیزندي کړل شوي اؤ وایي مونږ دیو ملت په توګه د ترویزم په شنډولو کې اوږده لاره وهلې ده
“APS carnage will never be forgotten. Five of the involved terrorists have been hanged through military courts. Salute to martyrs and their families. We have come a long way in failing terrorism as a nation. United we move towards lasting peace and prosperity of Pakistan”, COAS. pic.twitter.com/Swv1ocF3gO
— DG ISPR (@OfficialDGISPR) December 16, 2019
خبریال بهروز خان هم په ټوئتر پوښتنه کړې چې د پېښور د ارمي پبلېک سکول، دا پښتانه ماشومان چا او ولې ووژل؟
هغه وایي د دې ګلالو بچو سره شوی ظلم د بخښلو نه دی. د دوی د پاره په قامي کچه د نړيوالې ټولنې نه د پلټنو غوښتنه پکار ده.
هغه په پښتنو غږ کړی چې هر چاته او هر چرته خپله قامي مقدمه کېږدئ ګني نو د تپوس به مو څوک پاتې نه شي