په ټولنیزو رسنیو د پي ټي ایم ګڼو فعالانو د پښتون ژغورنې غورځنګ دمشر منظور پشتین په ګاډي دخیبر پښتونخوا مانسهره سیمه کې شوی برید په سختو ټکو غندلی اؤ دا یې په سپینه جامه کې د ریاستي ادارو دمامورینو کار بللی دی.
منظور پشتین وایي د تېرو دوؤ اوونیو پر مهال پرې دا پینځم برید دی چې د ریاستي خلکو له لوري کیږي خو پي ټي ایم به په داسې ناوړه عملونو دپښتنو دژوند اؤ حقونو دپاره دخپلې سوله ییزې مبارزې څخه نه لاس پسر کیږي.
داتوار په ورځ وي او ای ډیوه سره خبرو کې منظور پشتین ویلي هغه دعثمان ککړ اؤ خپلو نورو ملګرو سره یوځائ بټګرام ته ځېنو فاتحو اؤ د ښادیو مبارکیو ته تللي وؤ چې د راستنیدو په مهال دمانسهرې انټرچینج سره دهغوئ لاره ونیول شوه.
هغه وایي دغو خلکو په نیمه شپه کې وړومبی هغوئ ته سړک بند کړو، بیا یې ورته کنځاوې پیل کړې اؤ وروسته یې ډزې پیل کړې.
په سوشل میډیا ځېنو خلکو دعوه کړې دي چې سیمه ییزو خلکو دمنظور پشتین دګاډي مخې ته احتجاجي نعرې وهلي دي خو د منظور پشتین ملګرو په هغوئ ډزې کړې دي.
خو منظور پشتین دا دعوې دروغ بلي اؤ وایي "مونږ چې درې کاله کومه سوله ییزه مبارزه وکړه هغه ټولې نړۍ ته معلومه ده ، مونږ په ډزو نه په امن باور لرو اؤ د ډزو خلاف خو راپورته شوي یو"
دمنظور پښتین په وینا "مونږ خو دعدم تشدد منونکي یو،دوئ د ډزو خلک دي، دوئ پخوا هم ډزې کړې دي،اوس یې هم کوي اؤ په مونږ بېګاه هم د این ایل سي د نزدې چوکۍ نه دکلاشنکوفو ډزې شوې دي"
هغه زیاته کړه "دوئ تل دشر جوړولو لاره غوره کړې ده،مونږ انساني حقوق غواړو،ائیني حقوق غواړو،مونږ په دې خاوره ژوند غواړو، مونږ له جنګونو ستړي یو، له ډزو ستړي یو"
منظور پشتین وایي "شل کاله په مونږ هوایي بمبارۍ وشوې، دتوپو،ټانکونو،کلاشنکوفو اؤ هر رقم وسلو ډزې راباندې وشوې، مونږ نور له جنګه ستړي یو پخپله خاوره امن غواړو، دوئ دې نور مونږ معاف کړي اؤ پخپله خاوره مو دې پرامن ژوند ته پریږدي"
هغه وویل ده اؤ ملګرو یې په تیرو دوو اوونیو کې "دا څلورم برید دی خو وایي دا ډزې، تشدد اؤ لارې نیونې زمونږ دپرامنه تحریک لاره نه شي نیولی ،مونږ به دعدم تشدد دلارې ددې ظلمونو مقابله کوؤ اؤ دصبر، زغم اؤ امن لمنه به نه پریږو"
منظور پشتین وویل "دا خو د شپې برید ؤ، په مونږ خو د ورځې هم بریدونه کیږي، تیره اوونۍ کې مومندو ته دتګ په وخت ډپټي کمشنر پخپله زمونږ مخې ته ودریدو اؤ زمونږ ملګرو ته یې دیکې ورکړې حالانکې د یو ډي کار یوازې امر جاري کول وي نو چې پخپله لاسونه ولګوي "
دهغه په وینا "زمونږ مرام دخپل قام اتفاق اؤ اتحاد ته رابلل اؤ دامن دپاره مبارزه کول دي،مونږ به دشپې هم خپل قام ته ځان رسوؤ اؤ د ورځې هم تحفظ راکول د ریاست کار دی خو که نه یې راکوي نو مونږ به دخپلې مبارزې نه کله هم نه لاس پسر کیږو"
منظور پشتین وایي "زمونږ پیغام نړۍ ته دی چې تاسو خو دوئ ته په اربونو ډالر مرستې ورکوئ اؤ ځانته د امن علمبردار هم وایئ بیا باید دوئ سره دا حساب هم وکړئ چې ستاسو مرستې زمونږ د بېګناه خلکو په ځورولو ولې مصرفیږي؟"
داحتشام افغان په نوم دپښتون ژغورنې غورځنګ فعال په ټوئټر ددې پېښې یوه لنډه ویډیو هم خوره کړې ده اؤ هغې ته یې لیکلي دي” دشپې ناوخته په سپینو جامو کې یوشمیر کسانو اؤ ټول پلازې مامورینو دمنظور پشتین په ګاډی کاڼی ورولي دي،دهغه ملګرو ته یې دیکې ورکړي دي اؤ هوایي ډزې یې کړي دي خو منظور پشتین اؤ ملګري یې خوندي دي”
پی ٹی ایم قائد منظور پشتین اج بٹاگرام گئے تو واپسی پر مانسہرہ ٹول پلازہ پر رات گئے ٹول پلازے کے اہلکار، سیول کپڑو میں ملبوس لوگوں نے منظور پشتین کے گاڑی پر پر پتھراو کیا دوستوں کو دھکے دئے اور ہوائی فائرنگ کیا منظور پشتین اور ساتھی محفوظ ہےاس شرمناک عمل کی شدید مذمت کرتے ہیں pic.twitter.com/9v2LTnOick
— Ihtesham Afghan (@IhteshamAfghan) March 13, 2021
وتلی سیاسي مشر اؤ دبشري حقونو فعال افراسیاب خټک وایي د منظور پشتین په ګاډی برید دپښتنو زلمو دپرامنه سیاسي مبارزې تشدد ته دګرځولو یوه ناوړه هڅه ده .
په ټوټیر هغه لیکلي د نو ابادیاتي غلامانو په ضد د پښتنو لخوا دیوې پیړۍ نه دعدم تشدد په اساس روان قامي تحریک به پخپله سیاسي پختګي دا پارونې همداسې شنډوي.
پی ٹی ایم کے قائد منظور پاشتین کی گاڑی پر حملہ پشتون نوجوانوں کی پرامن سیاسی جدوجہد کو تشدد کی طرف دھکیلنے کی ایک اور بھونڈی کوشش ہے لیکن نو آبادیاتی غلامی کے خلاف پشتونوں کی ایک صدی سے عدم تشدد کی بنیاد پر جاری قومی تحریک کی سیاسی پختگی اشتعال انگیز یوں کو ناکام بنا دے گی ۔
— Afrasiab Khattak (@a_siab) March 14, 2021
دپي ټي ایم یو بل مشر عبدالله ننګیال په دې برید خپل غبرګون کې ویلي دي په منظور پشتین اؤ دهغه په ملګرو کاڼې ورؤل اؤ ډزې کول یو شرمناک عمل دی اؤ دا د ریاست وارخطایي په ګوته کوي
پی ٹی ایم چیف منظور پشتین اور دیگر ساتھیوں پر بٹ گرام سے واپسی کے وقت مانسہرہ انٹرچینج میں ریاستی دھشتگردوں کی پتھراؤ ، ہوائی فائرنگ و دھکے جیسے شرمناک حرکات کرنا ریاست کی بوکھلاہٹ کی واضح نشانی ہے ایسے اوچھے ہتھکنڈے استعمال کرنا بزدلی کی انتہا ہے#Sharamnak #StopStateTerrorism
— Abdullah Nangyal (@a_baitanai) March 13, 2021
خو بیا یو شمیر فعالینو دا ادعا بې ځایه بللې او په ټوئټر یې لیکلي چې د منظور پشتین کسانو په عامو احتجاج کوونکو خلکو ډزې کړې دي اؤ نن دمانسهرې پریس کلب مخې ته ددې ډزو په ضد دسیمې خلکو داجتجاج کولو تابیا هم کړې ده.
دپېښې دجذئیاتو معلومولو دپاره وي او ای ډیوه دمانسهرې ضلعې دپولیسو مشر یا ډي پي او اسد بهادر سره دټيلي فون اؤ واټس اپ دلارې دتماس نیولو پرله پسې هڅې وکړې خو هغه د ډيوه کال اؤ پیغام ته هیڅ ځواب ونه ویلو.
دشمالي وزیرستان څخه دخیبر پښتونخوا اسمبلۍ غړي میرکلام وزیر دا برید په سختو ټکو غندلی اؤ په ټوئټر یې لیکلي
ریاست مدینہ اس حد تک گر چکی ہے کہ سیاسی لیڈرز، سیاسی ورکرز، سوشل ایکٹیویسٹس پر سول کپڑوں میں ملبوس لوگوں سے حملے کرواتی ہے. انسانوں کے حقوق کی بات کرنے والوں کا جینا دشوار کر رکھا ہے. پشتون تحفظ مومنٹ کے سربراہ منظور پشتین پر مانسہرہ انٹرچینج پر حملے کی شدید مذمت کرتے ہیں
— Mir Kalam Wazir (@KalamWazir) March 13, 2021
دمدینې ریاست دومره پریوتی دی چې په سیاسي مشرانو اؤ فعالینو سول یا غیر پوځی جامو کې دخلکو دلارې بریدونه کوي اؤ دانساني حقونو دپاره دغږ پورته کوونکو ژوند یې په لړزان کړی دی.
هغه وایي دپښتون ژغورنې غورځنګ به مشر منظور پشتین دمانسهرې انټرچینج سره شوی برید د سختې غندنې وړ دی.