واشنګټن - پاکستان کې په سوشل مېډیا باندې داسې ویډیوګانې مخې ته راغلي کوم کې چې صحافیان، یو شمېر پخواني پوځیان په خپلو پوښتنو چلېنج کوي، مګر پخواني پوځیان ورته د څه جواب ویلو انکار کوي او یو صحافي ته د مرګ ګواښ هم کیږي.
د پخوانیو پوځیانو تنظیم (وېټرنز آف پاکستان) له خوا د اسلام آباد پرېس کلب مخې ته پرون د ګل/دوشنبې په ورځ یوه غونډه جوړه شوې وه چې په کې د پخوانیو جګپوړو پوځي افسرانو او د هغو د کورنیو په ګډون شاوخوا یو نیم سل کسانو برخه اخېستې وه.
په دې غونډه کې پخوانیو پوځیانو د حکومت نه غوښتنه کوله چې د انتخاباتو نېټه دې ژر تر ژره اعلان کړي، او دا هغه څه دي چې د پخواني وزیراعظم عمران خان ګوند، تحریک انصاف پاکستان مطالبه هم ده.
په دغو پخوانیو پوځیانو کې د پاکستان پخوانی ډېفنس سېکټري (ر) جنرل آصف یاسین ملک هم موجود و چې د صحافیانو په باور، خبریال اعزاز سید ته یې د مرګ دړکه ورکړې ده. په یوه وېډیو کې اورېدل کیږي چې اعزاز سید د ریټاېرډ جنرل آصف یاسین ملک نه دا پوښتنه کوي چې د پاکستان اوسني معاشي صورتحال له کبله جنرالانو ته په کار ده چې خپلې ځمکې واپس کړي او که نه؟
ويډیو کې لیدلی کیږي چې د دې پوښتنې په اورېدو آصف یاسین ملک کمرې/ټلیفون ته لاس اچوي او اعزاز سید ته وایي: "ته ولاړ شته د خپلې جنازې بند و بست وکړه."
اعزاز سید کو ریٹایرڈ جنرل کہہ رہے ہیں کہ “یار تم اپنے جنازے کا بندوبست کرو”کیا ایک سوال پر ایسی بات کہنا فاشزم نہیں ہے؟ @AzazSyed keep asking questions pic.twitter.com/HoMqDiBIVa
— Waseem Abbasi (@Wabbasi007) June 6, 2022
اسلام آباد کې مېشت صحافي وسیم عباسي د دې ويډیو سره لیکلي چې: "آیا د یوې پوښتنې په سر داسې خبرې کول، فاشزم ندی؟"
په لندن کې یوې مېشتې پاکستانۍ شما جونجیو چې د مېډیا کارکنه ده، پخپل ټوېټر لیکلي: "هغه جرنیل چې د صحافي د پوښتنې ځواب نشي ورکولی، هغه به د ملک حفاظت کوي؟"
یو بل مشهوره خبریال او پېمرا پخواني مشر، ابصار عالم پخپل ټوېټر لیکلي چې:
"جنرال صاحب، د اعزاز نه، ستا د تکبر جنازه پورته ده. کاش ستا غوصه د آئین ماتوونکو خلاف وه، د هند خلاف وه، د امریکا خلاف وه چې ستا د پوزې لاندې یې بن لادن مړ کړ او ولاړ، او تا...؟ سیاست چې کوې، نو همت او برداشت پیدا کړئ."
جنرل صاحب جنازہ اعزاز کا نہیں آپ کے تکبر کا اُٹھا ہے،کاش آپ کا غصہ آئین شکن کے خلاف ہوتا،انڈیا کے خلاف ہوتا،امریکہ کے خلاف ہوتا جب وہ آپ کی ناک کے نیچے بن لادن کو مار کر لے گیااور آپ۔۔؟سیاست کرنی ہے تو ہمت، برداشت پیدا کریں ورنہ گھر بیٹھیںیہاں پگڑی اُچھکتی ہے اسے میخانہ کہتے ہیں pic.twitter.com/h1UCZj9Z8Q
— Absar Alam (@AbsarAlamHaider) June 6, 2022
د ویډیو په بله برخه کې جرنلسټ اعزاز سید د (ر) جنرل آصف یاسین نه په تکرار دا پوښتنه کوي چې په ۲۰۱۱ کال کې کله چې هغه د پېښور کورکمانډر و، او امریکاییانو په اېبټ آباد کې په اسامه بن لادن چاپه ووهله، نو ولې جنرل آصف یاسین د خپلې عهدې نه مستعفي نشو. په ویډیو کې لیدلی کیږي چې (ر) جنرل آصف یاسین نه غواړي په دې حقله هېڅ خبرې وکړي.
د وي او اې ډیوه خبریال رحمن بونیري د سکایپ د لارې خبریال اعزاز سید سره په همدې خبرو باندې مرکه کړې چې تاسو یې دلته لاندې اورېدلی او لیدلی شئ:
په یوه بله ویډیو کې پخواني پوځي (ر) جنرل علي قلي خان هم لیدل کیږي چې صحافیان کوشش کوي ورنه پوښتنې وکړي، مګر هغه د رسا جواب ورکولو نه ډډه کوي.
یہ جنرل علی قلی خان ہیں جو چیف بنتے بنتے رہ گئے تھے انکے والد جنرل حبیب اللہ خٹک گندھارا انڈسٹری کے مالک تھے جسکی بنیاد انہوں نے جنرل ایوب کے دور میں رکھی انکے ساتھ رشتہ داری بھی قائم ہوئی عمر ایوب جنرل حبیب کے نواسے ہیں ۔عمر چیمہ pic.twitter.com/8cvu58RJac
— RH Riaz (@Riaz_Hussain77) June 7, 2022
د پاکستان د پخوانیو پوځیانو تنظیم (وېټرنز آف پاکستان) په داسې مهال د انتخاباتو د ترسره کېدو دپاره اسلام آباد کې غونډه جوړه کړې وه چې نن سبا د انتخاباتو د نېټې ټاکلو مسئله د پاکستان په سیاست کې یوه اهمه موضوع ګڼل کیږي او تحریک انصاف ګوند ټینګار کوي چې په فوري توګه دې دا نېټه اعلانه کړی شي.
د پاکستان په پوخ وخت ناوخت دا تنقید کیږي چې دوی په سېوېلین او سیاسي چارو کې مداخلتونه کوي، مګر پوځ هرکله دا تورونه رد کړي او وایي سیاست د دوی کار ندی.