د پاکستان وزيراعظم شهباز شريف ويلي، پرېکړه یې کړې چې د لوړې کچې عدالتي کمېشن به په کينيا کې د وژل شوي پاکستاني خبريال ارشد شريف د وژنې د پېښې سوتره پلټنې کوي.
هغه ويلي، قوم ته باور ورکوي چې دغه د ټولو دپاره د افسوس وړ ده د دې به سوتره پلټنې کولی شي او حقايق به قوم ته وړاندې کولی شي.
کل کینیا میں پاکستان کے نامور صحافی ارشد شریف کے قتل کا جو اندوہناک واقعہ پیش آیا ہےوہ قابل مذمت ہے اور پاکستان کے عوام انکی موت پہ انتہائی افسردہ ہیں.میں نے فیصلہ کیا ہے کہ ہم اعلیٰ عدالتی کمیشن سے اس واقعے کی شفاف تحقیقات کروائیں گے.وزیراعظم شہبازشریف pic.twitter.com/SonrYTSRHG
— PML(N) (@pmln_org) October 25, 2022
د 23 اکتوبر په شپه په کينيا کې د نیروبي سره نزدې د وژل شوي پاکستاني خبريال ارشد شریف جسد/ مړی تيره شپه ناوخته اسلام اباد ته رسول شوی دی.
شهباز شريف په داسې حال کې د ارشد شريف د وژنې د پېښې د پلټنو کولو ويلي چې تیره ورځ د پاکستان تحریک انصاف ګوند مشر او مخکني وزيراعظم عمران خان دعوه کړې چې د ارشد شريف هدفي وژنه شوې ده.
نوموړي په پېښور کې د وکيلانو غونډې ته په وينا کې ويلي، ارشد شريف ته ګواښونه کېدل او زياته کړې يې ده، "ماته معلومه وه چې هغه [ارشد شريف] وژل کيږي او ما ورته بيا د ملک څخه بهر تلو ويلي وو".
خو عمران خان نه دي ویلي چې ګواښونه چا کول.
بل لور ته د پاکستان پوځ ويلي د ارشد شريف د وژنې د پېښې پلټنې کېدل پکار دي. د پوځ وياند لفټننټ جنرل بابر افتخار ويلي، په پوځ بيا بيا د دروغو تورونه لګول کيږي د دروغو تورونو لګوونکو پرضد دې قانوني کارروايي وشي.
هغه د پاکستان د يو شخصي ټي وي [24نيوز] سره په خبرو کې ویلي کتل پکار دي چې د خبريال د وژنې د پېښې نه څوک ګټه پورته کوي او دا معلومېدل پکار دي چې ارشد شريف بهر ولې تللی وو.
په ټولنيزو رسنيو داسې اعلاميه خپره شوې چې د پاکستان حکومت د مرکزي تحقيقاتي ادارې [اېف ايي اې]، ايي بي يا انټيليجنس بيورو او ايي اېس ايي د چارواکو درې کسيزه ډله کينيا ته ليږي چې د ارشد شريف د وژنې د پېښې په اړه د کينيا د چارواکو سره وويني او د دغه پېښې په اړه رښتيا معلوم کړي.
#BREAKING: Govt #Pakistan constituted 3 member team included #FIA, #IB and #ISI representatives who will travel to #Kenya and ascertain facts related to murder of senior journalist #ArshadSharif from @PoliceKE. pic.twitter.com/wo2ZWbyxnK
— Asad Ali Toor (@AsadAToor) October 25, 2022
امریکا او ملګرو ملتونو هم د وژل شوي پاکستاني خبريال د پېښې په اړه د پلټنو کولو غوښتنه کړې ده.
د کينيا پولیسو د ارشد شريف د وژنې د پېښې په اړه خپره کړې خپله لومړۍ خبر پاڼه کې ويلي وو پولیسو د غلط شناخت له کبله په هغه موټر ډزې وکړې چې ارشد شریف پکې سپور وو.
پاکستان کې او د جرنلسټانو د حقونو بهرنيو تنظميونو د وژل شوي خبريال د پېښې په اړوند پوښتنې را ولاړې کړي چې هغه بهر ولې ولاړو؟ د کوم ډول ګواښونو سره مخ وو؟ کينيا ته چا بوتلو؟ هلته پرې ډزې چا وکړې په دغه اړوند ټول حقايق دې مخې ته راوړل شي.