پاکستانی جر نېل نه په شا کیږي

ليک: محمد حنيف
ژباړه : مختار خليل

د صدارت څخه د لرې کیدلو نهه کاله وروستو پخوانی جرنېل مشرف یو وار بیا په سپکو سپورو سر شوی دی او واک ته د رسېدلو ناکامه هڅې يې شورو کړي دي. هغه ويلي دي که په اقتدار کې راغلو نو د پخوا په شان به یو ډکټېټر نه وي بلکې په قانوني توگه منتخب شوی حکمران به وي.

اگر چې د جنرل مشرف دعوا د ليوني خوب دی خو ښکاري چې دی د خپلو ارادو نه اوړيدونکی نه دی، دی چې څومره زړېږي دومره یې عقل کمېږي.

​د جرنېل تېر وخت هر چاته یاد دی چې دطالبانو او غربي نړۍ په منځ کې دَ جگړې په وخت یې ځان د یواځيني اهم تن په حېث خرص کړې ؤ. دا سې سوداگانو کې چې پاکستاني جرنیلان کومې ځانگړې گټې کوي هغه دَ هم وکړې. یعني دَ د کېمپ ډیوډ چکر ولگؤ، په دبۍ کې او د لندن په زړه کې د یو کور مالک شو، د ده ليکلی شوی کتاب زر زر خرص شو، او دی د ټيلي وژن د یوې خپرونې مالک شو.

په تیر وخت کې چې کومو گوندونو د مشرف ډله پره کوله هغويي د مشرف د دې سودا بازو څخه ناخبره وو او اوس وايي چې د مشرف د ٢٣ گوندونو د ایتلاف جوړولو سره یې هيڅ تعلق نشته دی.

مشرف اوس هم په دې خبره ټينگ ولاړ دی چې دی پاکستان د اوسنو مشکلاتو څخه اوښکلی شي. اوسنۍ سیاسي ناقلاري د نواز شريف د عدالتونو لخوا د نااهله کیدلو ورستو جوړه شوې ده.

​

​د پاکستان د پوځ سر لښکران د پېنشني کېدلو نه ورستو په ښو ښو نوکرولگېدلي دي. لکه دا وخت جنرل راحیل شريف د سعودي عربستان په مشرۍ کې د سني مسلمانانانو ملکونو د جوړ شوي اتحادي پوځ مشر دی. د ده نه وړاندې جنرل اشفاق پروېز کیاني ؤ. ښاغلي کیاني پوځ له د کورونو جوړولو د ادارې ډیفېنس هاؤسېنگ اتارټي، ډي اېچ ای له د زمکو اخستو په سوداگانو کې د خپل ورور د١٧ اربه روپو د غلا غولتو کولو ورستو ځان خاموشه کړی دی.

​جنرل مشرف لس کاله حکمران پاتې شوی دی، او د اقتدار خوند یې لا د خولې نه وتلی نه دی. دی اوس بیا د اقتدار خوبونه ويني. خو د جرنېل د سياسي ارمانونو پوره کیدلو په لار کې ډېر خنډان دي. ښاغلی د یو داسې ملک د حکمران جوړېدلو خوبونه ويني چې دی ورته په تیر یو کال کې نه دی ورغلی. دی په پاکستان کې په یو شمېر مقدمو کې اشتهاري مفرور دی. په دې کې ځيني مقدمې د قتل او د هېواد سره د غدارۍ هم دي.

د مشرف د صدارت موده څه ډېره ښه نه وه. په کال ١٩٩٠ کې د په خپل سر د پاکستان په سوونو پوځیان د هندوستان خلاف د سیاچن مورچې ته ولیږل کوم چې ټول اووژل شول. د مشرف سیاسي رقيبه بینظير بټو هم د ده په واکمنۍ کې قتل شوه،او مشرف هم هغه په خپل قتل ملامته کوي.

په جنرل مشرف درې کاله وړاندې په بیلو بیلو تورونو کې د ١٢ نه زېاتې قضيي روانې وې، دی یو ځل عدالت ته د پېشۍ لپاره روان ؤ خو په لاره کې د ناروغۍ په بهانه د عدالت په ځای پوځي هسپتال ته لاړو. دی دغلته تر هغې پروت ؤ تر څو چې ورله د پوځ د مخبرۍ ادارو د عدالت نه ضمانت وانخستلو او په کال ٢٠١٦ کې دې ادارو جرنېل بهر ته اوښکلو. د بیا ورستو اقرار وکړو چې جرنېل راحيل یې په وښکلو کې مدد کړې و.

​د مشرف د اقتدار په وخت کې په اسلام اباد کې دا مشهوره وه چې په خدای او مشرف کې دا توپير دی چې خدای ځان مشرف نه گڼي

د وتلي پاکستاني ناول ليکونکي او کالم ليکونکي ښاغلي محمد حنيف دا مظمون په امرېکايي اخبار نیو یارک ټایم کې چاپ شوی دی او د ډیوه همکار مختار خليل ترې ځيني برخې ژباړلې دي.