افغان مقامات وايي د هغه هیواد په شمالي سیمو کي د دوو دښمنو جنگ سالارانو تر مینځ په جنگونو کي لږترلږه څلور تنه وژل سوي او په سلهاوو نور د خپلو کورونو خوشي کولو ته مجبوره سوي دي.
افغان مامورین وايي دا جنگونه څه د پاسه یوه هفته مخکي د فاریاب په ولایت کي پیل سول. پدې نښتو کي، د متخاصمو جنگ سالارانو عبدالرشید دوستم او عبدالمالک په سلهاوو جگړه مارانو برخه اخېستې وه.
افغان چارواکي وايي د دوشنبې د ورځي په جنگونو کي د یوه ملکي سړي په شمول څلور تنه وژل سوي دي.
په افغانستان کي د ناتو یو ویاند، مارک لېتي، وايي افغان امنیتي قواو د فریاب د ولایت پر وضع باندي خپل کنترول بېرته ټینگ کړی دی او ددغه بحران د حلولو لپاره د دواړو متخاصو ډلو سره په خبرو لگیا دي.
د دوشنبې د ورځي په یوې بلي حادثې کي، طالب یاغیانو د هلمند په ولایت کي یوه اویا کلنه ښځه او د هغې زوی اعدام کړل. محلي مقامات وايي طالبانو دا دواړه کسان حکومت ته د جاسوسۍ په الزام تورن کړي وو.